Katolik firgoz, zaka Romi Katolik firgoz ui mhonntat, soglleantle vhoddlem Kristi firgoz zaun asa, zacheo 1.2 billion vangddi asat.
Hi sonvsarantleo soglleavon porneo dhormik sounsthenteo ek zaun asa. Hicho mukhel zaun asa Romacho bisp, zaka Pap-saib mhonntat. Firgozecheo mukhel totvam Niceche ucharnnent asat, ani hantuntleo mhotvacheo mhonllear, Pap-saibachem mukhelponn, ani sat sakrament.
Katolik firgoz xikoita ki ti Jezu Kristan sthapit kel'lem ek khori firgoz mhonn, tacheo bispam apostlancheo zagear asat, ani Pap-saib Sant Pedrucho zagear asa mhonn.
Sakrament Katolik onodan mhotvache. Mukhel sakrament zaun asa Krist-prosad, vo Kominhanv. Firgoz xikoita ki misachea bolidanant unddo ani soreacher padrint hath thevlea uprant, ti Jezuchi kud ani rogot zata mhonn. Katolik firgozent fokot bautism ghetlele, ani vhoddle pap naslele monxankuch Krist-Prosad gheunk porvangi asa.
Firgoz Mariak Jezuchi avoi mhonn maan dita. Firgoz xikoita ki Marian ankvar astana Jezuk zolm dilo, tika mull-pap naslem, tika Devache Maiecho dorzo asa, ti sorv-kallak ankvar asa, ani tichea sonvsarantlem jivitacha ontak tika kudi-otmea soit sorgar velem mhonn.
Katolik somajik xikovnnem pormonem piddevontank, debleank ani goribank adar, hacher zor asa, ani Katolik firgoz sonvsarant serkarank soddun soglleavon chodd xikopache ani medical seve dita.
This article uses material from the Wikipedia गोंयची कोंकणी / Gõychi Konknni article Katolik firgoz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.