Bharotantlem Goem rajio, thoim axil’lea doriavellank, upasna sthollam khatir, famad asa.
Romi |
Poriotton ho thoincho mukhel udeog asa. Poriotton samanioponnant doreavellamni bhorlolem asa, ani ontorgot vattharant poriottonacho vavr unnea promannant asa. Pordexi dexantle poriottok, bhov korun Evropantle, Goeant xiamchea disamni ietam punn hunalleant ani pavsalleant amkam Bharoti bhonvddekar vhodde sonkhien ailole distat. Goeant 2011 vorsant 2.29% bhailea dexantle bhonvddekar aile [1][2].Hem lhan rajio Bharotachea ostompt doreadeger vosta, Mharaxttr ani Kornattok rajeanchea ximamni ani purvil'li Purtugezachi vosahot mhunnpak jogbhor famad asa. Poriotton ho Goenchea arthik vattharache konno zavn asa[3].
Putugezanchi 450 vorsam poros chodd rajvottecho probhav aslolean zantunt lettin sonskrutecho chhap aslolean pordexi bhonvddekarank[4] Goeant ek vegllech chitr dixtti poddtta jem amchea desachem mukhel bhonvddekaranchem akorxonn zavn asa, Bom Jezuchi Basilika, Fortt Agvad, Bharoti sonskrutecho ek Mennacho Songrohaloi ani ek daizacho Songrohaloi. Goencheo Igorzank ani Konventank Stholl mhonn UNESCOn ghoxit kelam.
2013 vors meren Goem hem Bharoti ani pordexi bhonvddekar, chodd korun Brittonchea bhonvddekaranche je bodjetachea khorchan vavurpi asat tanchem hem tthikann zavn gelam.. Favo te bodol korun unch protiche bhonvddekar Goeant akorxit zatole mhonn, rajeak axa asa ani oslo iotn chalu asa[5].
24 Novembr 2017, Delta Corp Limited hannim poilo kesino khell proxikxonn divpi Goeant Bharotacho poilo patthiokrom kendr sthaplo.
Goencheo vello 125 kilometr. doreadeg veapun asa. Heo vello Ut’tor ani Dokxinn Goencho vatthar chodd veapari asthaponamni ani poriotton thollamni bhoril'lo asa, zoim chodd promannant unnem ani modhiom' bodjettantle bhonvddekar poriotton thollamni ravtat. Dokxinn Goeant chodd voilea bodjettachea bhonvddekaranchim hottelam ani khazgi vello asat. Haka addvad mhollear Dokxinn Goeantli Palolem vell, zoim mullaveo ravpacheo suvida asat ani zoim vhodda promannant bhonvddekar bhett ditat. Zoxe Ut'tore kodden ani Dokxinne kodden gelear, chodd promannant vello eksureo asat. Kaim chodd famad vello asat, Kolva, Kollongutt,Baga ani Honnzunna–hea vellancher xeks asat zoim tajem doreachem nustem ani pivpak melltta. Giraikank akorxit korpak kaim xeks khas kareavolli ghoddovn haddttat.
Goem sorkaran dorea viman seva proiogache pod’dhotin Manddvi nodicher 23 Mai 2015 suru keli. Hea uprant pavs zatokoch hi seva 2015 pasun suru zali.
Bonddla obheoiaronnio, Bhogvan Mhavir obheoiaronnio, Molem Raxttrio udean, Kotiganv Ranvotti Jivitachem obheoiaronnio, Mhadoi Ranvotti Jivitachem obheoiaronnio ani Netravoli Ranvotti Jivitachem obheoiaronnio, Goenchi zoivvividhtaichi posovnn korta. Kole, ranvotti dukor ani stholantor zavpi sovnni Goenchea ranamni sampoddtat. Avifavna hantunt kirkiro, moina ani kir sampoddttat. Famad Dhobdhobo, Bharotantlo unchaien panchvo, Dudhsagor asun tachi unchi 310 metr. asa ani to BhogvanMhavir obheoiaronniant Goem Kornattokachea ximer asa.
Famad Dotor Salim Ali pokxi obheoiaronnio (Dr Salim Ali Bird Sanctuary), Choddnna zunveancher asa. Obheoiaronnio boroboroch anik ek mudom' pollovpa sarkem tthikann mhollear olivh riddol doriachea kansvanche projnon zavpi Morji veller Peddnneant, Ut'tor Goem ani Galjibag vell Kannkonnant, Dokxinn Goem. Kansov, Bharoti ranvotti jinn Odhiniomachea1 porixixtta–khala ietat. Morji veller vegveglle torechim heddpi suknnm Setembr tem Abril meren ietat. Morjichea Temvadda deger veg-vegllea torechim suknnim ietat. Antorraxttri-i thoravelim suknnim pollovpi pongodd hem pollovpa khatir hea vattharant bhonvddi kaddttat.
Goeant khup torechi vostusongrahloio asat.
Goenche bhuim-ent borech kil'le asat. Sotravea xenkddeantlem Tirakol Kott, Purtugez Kott Agvad ani Xapora kott him kaim nanvam ghevpa sarkim asat.
Poriotton khateachem proxason, Poriotton Montri, Dilip Parulekar, ani Sochiv ani Poriotton Sonchalok Mathew Samuel(IAS) kortat. Her zallvonddar Goem Poriotton Vikas Monddoll (Goem Sorkarocho Upkrom') ani Travel and Tourism Association of Goa(TTAG). Prachi Desai Goenchea poriottonacho chehro mhunn nemnnuk kelea.
Goem Poriotton Vikas Mhamonddoll (ghoddttoch) poriottonacho karbhar polleta zoxe porim i, poriottokam khatir avddicheo suvato pollovp ani doreasofari ghoddovn haddop. Tea bhair hem mhamonddoll 12 hottelam 525 kuddim soit tachem veovosthapon korta[19].
This article uses material from the Wikipedia गोंयची कोंकणी / Gõychi Konknni article Gõychem poryotton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.