सचिन रमेश तेंडुलकर (एप्रिल २४, १९७३:मुंबई) क्रिकेटीच्या संवसारांत डॉन ब्रॅडमन हाच्या उपरांत दुसरी सुवात सचीन तेंडुलकर हाची आसा.
देवनागरी |
इ.स. २००२मदीं, कारकिर्दीच्या बाराव्या वर्सा, विस्डेनने डॉन ब्रॅडमन हांच्या उपरांत सार्वकालिक दुसरो सर्वोत्तम कसोटी फलंदाज म्हणून तर एका दिसाच्या आंतरराष्ट्रीय सामन्यां मदीं व्हिवरिचर्ड्स हाच्या उपरांत दुसरो सार्वकालिक सर्वोत्तम फलंदाज म्हणून सचिन तेंडुलकरची निवड केली. 2011 जेन्ना भारत वर्ल्ड कप जिकलो तेन्ना, ह्या मॅचींत सचिनाचो आसपाव आशिल्लो. २००३ वर्सा वर्ल्ड कप हातूंत तो सगळ्यांत बरो खेळगडी म्हूण ताका मान फावो जालो. आंतरराष्ट्रीय खेळांत तो सगळ्यांत चड शतक मारपी खेळगडो. २० नोव्हेंबर २००९ वर्सा कारकिर्दीतीले ३०,००० आंतरराष्ट्रीय धाव ताणें काडले.
कांय वर्सां पयलीं इश्टांनी एकामेकाची वळख करून दिल्या उपरांत 1995 वर्सा सचिनाचें लग्न आनंद मेहता ह्या गुजराती उद्योगपतीच्या नांव अंजली(वेवसायान बालरोगतज्ज्ञ) चलयेकडेन जालें. तांकां सारा (जन्म: ऑक्टोबर१९९७) आनी अर्जुन (जन्म: २३ सप्टेंबर २०००) अशीं दोन भुरगीं जल्मलीं. कितलेच फावट सचीन आपली फरारी 360 मॉडेना मुंबय शारांत घेवन भोंवतना दिश्टी पडला. ही फरारी ताका फियाट कंपनीन मायकल शुमाकराच्या हातांतल्यान भेट म्हूण दिल्ली. 200 गरज भुरग्यांक पयश्यांचो आनी हेर तरेन आदार दिवन मजत करता.
सचीन तेंडुलकाराचो जल्म मुंबय शारांत एका मराठी मध्यमवर्गीय कुटूंबांत जालो. सचीन देव बर्मन ह्या ताच्या आवडट्या संगीत दिग्दर्शकाच्या नांवान ताका नांव दवरलें. सचिनान शारदाश्रम विद्यामंदीर ह्या शाळेंत क्रिकेटीचो प्रशिक्षक रमाकांत आचेरकर हांच्या कडल्यान क्रिकेटीचे धडे शिकूंक सुरवात केली. शाळेंत आसतना हॅरीस शील्ड हांच्या आड खेळटाना ताचो इश्ट आनी सह-खेळपी विनोद कांबळीबरोबर 664 आक्रमक भागीदारी केली. 1988/1989 वर्सा तो आपली पयली वयली प्रथम श्रेणी सामन्या मदीं 100 नाबाद रावलो. त्या वेळार तो मुंबय संघांत गुजरात संघा आड खेळटालो. तेन्ना ताका 15 वर्सां 232 दीस आशिल्ले, आनी त्या वेळार हो विक्रम (पयलीसामन्यातशतकीखेळी) करपाचो सगळ्यांत तरणाटो खेळगडी.
सचीन तेंडुलकर चड करून उजव्या वटेन खेळटा पूण बरयतना दाव्या हातान बरयता. सदांच तो उजव्या हातान बोल मारपाचो प्रयत्न करता. भारतांत आशिल्ले पिची परस तो वेस्ट इंडीज आनी ऑस्ट्रेलिया आशिल्ले पिचीर ताका खेळपाक चड आवडटा.
पद्मविभूषण आनी राजीवगांधीखेलरत्न हे पुरस्कार दिवन ताचो भोवमान केलो. तशेंच ताका भारतरत्न हो सगळ्यांत व्हड पुरस्कार ताका दिलो. ताच्या निवृत्तीच्या वेळार हो पुरस्कार ताका जाहीर केलो. भारताच्या विमान दळान ताका ‘ग्रुप कॅप्टन’ हो हुद्दो ताका दिवन ताचो भोवमान केलो. राजीव गांधी युनिव्हर्सिटी ऑफ हेल्थ सायन्सेस आनी म्हैसूर विद्यापीठान ताका डॉक्टरेट पदवी दिली. 6 नोव्हेंबर 2012, सचिनाक मुंबयंत मेंबर ऑफ दी ऑर्डर ऑफ ऑस्ट्रेलिया हो गौरव फावो केलो.
This article uses material from the Wikipedia गोंयची कोंकणी / Gõychi Konknni article सचीन तेंडुलकर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.