Very Fruitful Prayer to Saint Anthony of Padua
देवनागरी |
हे भागेवंता सांत आंतोन, भक्तां मदें भौ बळया आनी मोवाळा; त्या उलोवपाच्या मोगा पासत जो तुनवें देवा केलोय; त्यां तुज्यां वाखाणलेल्यां शेगुणां पासत आनी सावरनासलेल्या मोगा पासत, जो पेल्या सवें तुनवें दाखयलोय; फावो जालें तुका तें देणें व्हड आनी विचित्र मिलागरी करचें ह्याच सौंसारांत आसताना, ह्या परीं आनिंक कोणुंच भक्ताक दिलें नां. तुज्या उतराकूच मिलागरी घडत आनी तूं सदांच आयतो आसलोय उचारुंक तें उतर, गरजेवंताचें मागणें आयकुंक. उपोदऱ्यांक सांपडलेल्यांचीं, उल्लासांचीं मागणीं, तुजे सवें केदनांच निर्फळ जालीं नांत, पिडेवंतांक तूं भलायकी दितालोय, सांदलेल्यो वस्तु परत्यो मेळत, दुखान चडफडत्यल्यां सवें तुजें काळीज चुरचुरतालें, दुखोवलेल्यां काळजांतलीं विलापांचीं मागणीं आयकून, मेलेल्यांक पोरयान तुनवें जिवे केलेत.
ह्या सौंसारांत आसलोय तेदनां, तुजेन करी नेजो तसली वस्त नासलीयी, बारावन पातक; पेल्याचें दूख आनी कोणिस्ताय पळेवन, ताका आदार दिल्या बगर तुज्यान राव नेजो आसलें.
धिरावन ह्यां नियाळांनीं आनी तुजें मागणें देवा थांय भोवूच फळादीक म्हुण जाणो जावन, हांव दिंबयेर पडतां, तुजे इमाजी मुखार आनी सगल्या विस्वासान म्हज्या काळजाच्या, तुका प्रार्थ्तां कर म्हुण म्हाका हो उपकार, जाची म्हाका चड गरज. ( हांगा तुजी गरज सांग ). हांव मागतां ती वस्त म्हाका मेळूंक, एके मिलागरीची पोरयान गरज पडली जाल्यार, तरूय तुजेर म्हजो विस्वास उणो जावनचो नां कित्याक तूं जावन आसा मिलागरींचो धनी जो ह्या संवसारांत आसताना तुज्या एकाच उतरान व्हडांतल्या व्हड मिलागरी करतालोय. एह भव मोवाळा आनी मोगाळा भक्ता, सांत आंतोन, तुजें काळीज सदांचो दयाळ आनी चुरचुरयांचें जावन आसलें तर त्याच दयाळपणान आनी चुरचुरयांनीं, उलय एकूच उतर, बाळका जेजूच्या कानांत, जो धादोसतालो तुजे वेंगेंत खेळूंक. तुजें एकूच उतर पुरो म्हज्या मागण्याक फळ मेळ्वक. उलय व्हडा भक्ता तें उतर, आनी म्हजें किरकळ आनी धिंवाशी काळीज सदांच तुज्या उपकारांत रावतेलें!
आमेन.
एक आमच्या बापा, नमान मोरये आनी अनोद बापाक सांत आंतोनीच्या मानांक
सांत आंतोनी भक्ता
सांत आंतोनी भक्ता,
फिंरजांचे कुळयेच्या,
तुज्या ग्रंथात खेळता
बाळोक जेजू राजा.
बाळोक खेळता म्हणून
सांतान घाळी दिंबी
समरण प्रार्थन करीयी
भक्ता सांत आंतोनी
सांत आंतोनी भक्ता,
अचोरयां तुजीं तेरा :
चवदावें कर, भक्ता,
आमा पापयांच्या घारा.
(देवसा कोपेल, चिंचीनीं, गोयें)
This article uses material from the Wikipedia गोंयची कोंकणी / Gõychi Konknni article भव फळादीक मागणें सांत आंतणीक, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.