Ñemongaru niko opa umi mba'e mymba, yvypóra térã ka'avo ho'úva ha oipurúva hetére, omboguapy porã hag̃ua umi mba'e okarúva ha okakuaa hag̃ua umi oikovéva.
Oñehesa'ỹijórõ ñemongaru, jahecháta mba'éicha tete omba'apo oipuru hag̃ua tembi'u okarúva.
Ñemongaru ha'e yvypóra, mymba térã ka'avo rete rembiapo omboguapy porãva hi'upy térã hembi'u ha jey'urã ho'úva omomba'apoite, omongakuaa ha omombarete hag̃ua hetekuéra. Upévare ikatu ojehechakuaa jekarúre iporãpa térã ivaípa hete resãi.
Mymbakuéra ambuéicha, yvypóra oheka avei hi'upy ojapo hembi'urã hekoha rendápe, oikotevẽ y satĩ, tembi'u omombaretéva ha omongakuaáva, ndokarueterei va'erã hesãi porã hag̃ua. Yvypóra ho'u opa mba'e, taha'e ha'éva so'o, ka'avo, yva, tymbachu'i, urupe ha pira.
Mymbakuéra oikotevẽ mymba ambuéva oñemongaru hag̃ua, oĩ umíva so'ónte ho'úva ha oho omymbajuka ho'u hag̃ua, oĩ avei umíva ho'u kapi'i ha ka'avo oheka hag̃ua hembi'urã.
Ka'avo ha yvyramáta ojapo hembi'urã ha ikatu oñemongaru pytyvõ'ỹre, umíva oipuru ko tesapemoñanga, he'iséva ka'avo oñemoabue Kuarahy resape mbaretekue ojapo hag̃ua hembi'urã. Ka'a ha kapi'i oñongatu hoguépe ha hetepýpe Kuarahy resape mbaretekue ha oipuru ku mbaretekue hembi'urãicha. Ka'avo hogue oipyhýgui kuarahy resape.
This article uses material from the Wikipedia Avañe'ẽ article Ñemongaru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.