Walt Disney
Walter Elias Disney (Chikágo, Illinois; 5 jasypakõi 1901-Burbank, California; 15 jasypakõi 1966) ha'e akue peteĩ apoñemyakãhára, ta'angamýi moha'angapyre apohára, taiky haihára, mba'eapohára ahy'opúre omba'apóva ha ta'angamýi apohára Tetãvore Joapykuéra pegua.
Omboypy hetãme ta'angamýi moha'angapyre apo ijaveguáva, heta mba'e pyahu omoinge ñemoha'anga omýiva apópe. Oikóvo ta'angamýi apohára ramo, ipu'akaiteve upe ohupytyvéva ramo Jopói Óscar, 22 jey ipu'aka ha 59 jey oike tysýi poravorãme. Hi'areve oñeme'ẽ chupe mokõi Jopói Apu'a Itaju ha peteĩ Jopói Emmy, ha hetaite mba'erechakuaa ambuéva. Heta ta'angamýi ha'e ojapo va'ekue oñeñongatu National Film Registry rendápe, óga guasu oñangarekóva Tetãvore Joapykuéra ha'angamýi iporãitéva rehe.
| Walt Disney | ||
|---|---|---|
 Walt Disney 1946 jave | ||
| Mba'érepa omano | Iñe'ãvevúi akytã'ai | |
| Hóga renda | no | |
| Hetã | Tetãvore Joapykuéra | |
| Tekombo'e | no | |
| Alma máter | no | |
| Hembiapo | ta'angamýi motenondehára, ta'angamýi apohára, animador, presentador de televisión, actor de voz, haihára, productor, omongolóva, moheñoiha, guionista, actor de cine, ilustrador, caricaturista, realizador, mba'eapohára y productor | |
| Años | no | |
| Aty ojokuaikuaáva | no | |
| Jokuaikuaa rape | no | |
| Omendáva | Lillian Disney | |
| Taýra | Diane Disney Miller Sharon Mae Disney (rajy'anga) | |
| Itúva ha isy | Elias Disney ha Flora Call Disney | |
| Jopói | 1 Jopói Emmy 26 Jopói Óscar Jopói Cecil B. DeMille | |
Firma | ||
| [editar datos en Wikidata] | ||
Walt Disney heñói táva Chikágo-pe ary 1901 jave ha imitã'írõ guive omoha'angase. Imitãrõ guive oho tambiapoporã mbo'eha'ópe ha oreko 18 ary guive omba'apo moha'angahára ramo. Ova California-pe arykuéra 1920 ñepyrũ jave ha upépe omboypy Disney Brothers Studio ipehẽnguéndi hérava Roy. Omba'apóvo Ub Iwerks ndive, Walt ojapo pe anguja'i moha'angapyre Mickey Mouse ary 1928 jave, hembiapo herakuãite peteĩha, iñepyrũme ha'eite ome'ẽ ijahy'opu ko anguja'i moha'angapyrépe. Okakuaávo ta'angamýi moha'angapyre apoha, omoinge apohápe mba'epúva, Technicolor mbohapy sa'ýre, ta'angamýi moha'angapyre ipukúva ha mba'e omoporãva ta'anga apoha rembiapo. Hembiapo porãva jahecha heta ta'angamýipe: Blancanieves y los siete enanitos (1937), Pinocho ha Fantasía (mokõi 1940 jave), Dumbo (1941) ha Bambi (1942), opavave oipytyvõ ta'angamýi moha'angapyre apopyrãre. Oiko rire Ñorairõ Guasu Mokõiha Oñoirũvakuéra (1939-1945) apoha Disney ojapo ta'angamýi moha'angapyre ipyahúva ha ta'anga añete rupive (live-action), umi apytépe oĩ herakuãitéva La Cenicienta (1950) ha Mary Poppins (1964), ko ipahaguéva ohupyty po jopói Óscar.
Arykuéra 1950 jave omyasãi hembiapo omopu'ãvo okarusu mbovy'aha (parque de atracciones) ha ary 1955 jave omopu'ã Disneyland amo táva Anaheim-pe, California. Ohepyme'ẽ hag̃ua ko tembiapo tuichaitéva, oñepyrũ omba'apo opaichagua ha'angamýi apópe ha upéicha ojapo mba'e ta'angambyrýpe guarã, umíva apytépe oĩ Walt Disney's Disneyland ha The Mickey Mouse Club. Upéicha avei, oike Tetãvore Joapykuéra Rechaukaha Guasu aretépe 1959 jave, Ñembosaraipavẽ Araro'ýpe 1960 jave ha Arapy Rechaukaha Nueva York pegua 1964 jave. Ary 1965 aja oñepyrũ omopu'ã okarusu mbovy'aha ambuéva, Disney World, okarusu ikaraku táva pyahurã ningo ojeheromo'ã «Táva Ko'ẽrõyguáva Hekoypy Apopyrã». Disney hetaite opita hekove pukukue ha omano iñe'ãvevúi akytã'ai hague jasypakõi 1966 jave, ojejapopa mboyve okarusu mbovy'aha ha Táva Ko'ẽrõyguáva.
Mandu'apy
Joajuha
Wiki Commons oguereko ta'ãnga Walt Disney reheguaCommons.
This article uses material from the Wikipedia Avañe'ẽ article Walt Disney, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.