San Antonio oĩ tava Paraguái retãme, tetãvore Centralme.
San Antonio San Antonio | ||
---|---|---|
Tetã | Paraguái | |
Tetãvore | Central | |
Távayguakuéra | 63.808 ava | |
Ape távagui | km² | |
ISO | PY-11 | |
Yvatekue | m | |
Koordinasion |
Ko távape oiko 63.808 ava (2002 ary). San Antonio ojekuaa oñeñemitỹmemére upépe. Omoheñóiva’ekue Agustín Quiñónez, ary 1903 – pe. Oiko táva ramo ary 1981 – pe.
Oñemohenda ysyry guasu Paraguái ári, oguerekohápe 14 km pukukue ikatuhápe ojejahu. Pe ysyry guasu rembe’ýre oĩ heta ojapóva upe oñembohérava “deporte acuático”. Hi’agui upégui ohasa ysyrykuéra Ñemby ha Mbokajaty. Mba’e ojehecharamovéva ha’e: tembi’u ojejapóva upépe (pira rykue rehegua); ha Tupão San Antonio de Padua; ysyry guasu Paraguái.
Ko távape oguaheva’ekue ñorairõ guasu aja brasileños – kuéra oho hagua Batalla Ytororópe ysyry San Antonio rembe’ýre. Ñorairõ opa rire oguahẽ ko távape pytagua Francia, Alemania, Italia ha España- gui, ko’ã rupive okakuaa jey ko táva.
San Antonio- pe oĩ frigorífico “Internacional Corporation Product” IPC, ome’ẽva tembiapo heta ava San Antonio ha ambue táva peguápe. Ko távape oĩ avei mymba jukaha upéva rupi ikatu ojegueraha ambue tetãme “carne conservada” ha ojejogua avei mokõi yga el “Paraguay” ha el “Ytororó”.
Iñepyrũramekuri oguereko óga mba’apohárakuérape guara. Upépe oiko 1400 ava. Oguereko avei peteĩ tenda oñembosarái hagua avakuéra hérava “Tenis club”. Ary 1978 – pe oñemboty ko frigorífico. Ohasa rire heta ary ojogua karai Alberto Antebi ha omoñepyrũ jey ary 1981- pe.
Ko táva oguerekova’ekue peteĩ hotel. Ary 1926 – pe ojehepyme’ẽ ambue tetãme yva. Ary 1960 ha 1965- pe oñembosako’i puerto Petro Minera
San Antonio opyta ysyry guasu Paraguái rembe’ýre 25 km táva Paraguaýgui. Oĩ ijerére táva Ñemby, Villa Elisa, Ypane ha ysyry guasu Paraguái.
Ary 1981 jave, oiko ichugui tavaguasu ha oisãmbyhy karai Lic Francisco Bogado Caballero. Ary 1903 jave, Senado ha Cámara de Diputados ombotuichave ha ojapo táva San Antóniogui Tetã’i.
Ysyry guasu Paraguái ohasa ko távare. Oguereko avei heta ysyry’i. Ysyry hérava Guazú opytáva tavapy Mbocayatýpe oñemomba’e guasuve. Ko tavapy rupi ohasa avei ysyry Ytororó. Oguereko avei Ycúa San Antonio: oje’e ko ykuágui hoy’u ramo mitãrusunguéra itavyete opyta kuñataĩre ha katuetei omenda mitãkuñáre.
Oĩhaguére Ysyry Paraguái rembe’ýre avakuéra opirakutu opaichagua pira oĩva ko ysyrýpe: piraju, paku, jurupoka, corvina, pirãi, palometa, anguila de rio, armado, suruvi.
Ko tavapýpe oĩ opaichagua yvyra: tajy, trébol, pino, eucalipto, cedro, laurel, palmera.
Pyhareve ha pyharekue ipiro’ysãve ha ka’arukue hakuve.. Arahakúpe hakuve oguahẽ 25 ha 36 °C, araro’ýpe oguahẽ 8 ha 12 °C.
Oguereko Mbo’hao públicos ha privados.
Karai marangatu San Antonio de Padua Ko táva sánto ára ojejapo ysyry guasu Paraguái rembe’ýre oñembojegua yvotýpe ha ambue mba’e jaguaha ndive. Pyharevekue oñehenduka Ñandejára ñe’ẽ, ojegueroguata kachiveópe ha ambue ygary omoirũ San Antonio – pe
Avei ojejapo Expo San Antonio ojehechauka tembiapo ojapóva avakuéra ha ambue mba’e ojapóva temimbo’ekuéra.
Departamento de Cultura de la Municipalidad de San Antonio.
This article uses material from the Wikipedia Avañe'ẽ article San Antonio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.