Kyja (Myocastor coypus) ha'e peteĩ mymba okambúva ha oñapi'ũva oiko Ñembyamérikape, opaichagua tenda y no'õva rupi.
Yvypóra oipuru kyja ro'o ojapo hag̃ua hembi'urã ha ipire ojapo hag̃ua hembipuru opaichagua, upévare ojesaite'o opa Yvýpe. Ko mymba oikomeméva ysyry, ypa ha yno'õvu rupi. Ho'u opaichagua yva ha ka'avo.
Kyja | ||
---|---|---|
Tekovekuaaty ñemohenda | ||
Tavetã: | Animalia | |
Pehẽ'a: | Chordata | |
Jueheguasã: | Mammalia | |
Tekovety: | Rodentia | |
Tekovetyguy: | Hystricomorpha | |
Tekovetyguyve: | Hystricognathi | |
Juehepehẽ: | Myocastoridae | |
Jueheguaty: | Myocastor | |
Juehegua: | M. coypus Molina, 1782 | |
Tenda oĩva | ||
Kyja rekoha Henda teéva Nahendateéiva | ||
[editar datos en Wikidata] |
Yvypóra omoĩ va'ekue ko mymba oparupi, noimevéintema Ñembyamérikape, ojeikuaa ko mymba ha'e hína mymba jasurúva heta tetãme ha mymba ombyaíva heta tetã ambuéva hekoha tee.
Ipohýikue 4 amo 10 kilogarámo hína. Hete pukukue ohupyty 40 amo 60 cm hína, ha huguái ohupyty 30 amo 45 cm, ipuku ha ipire pira ipiréicha. Hague marrõite ha overamíva, hesa ha inambi imichĩva.
Ko mymba henda tee hína tetã Arhentína, Chíle, Paraguái, Pindoráma, Uruguái ha Vorívia. Hákatu ko'ãga oiko oparupi Yvateamérikape, Hapõme ha Európape.
This article uses material from the Wikipedia Avañe'ẽ article Kyja, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.