Ñandukavaju Guarani
Pe Ñandukavaju guarani (Grammostola grossa) ha'e peteĩ ñandukavaju, opaite umi ñandu jueheguáicha oĩva Grammostola juehegua atýpe, oiko Ñembyamérikape.
Ojejuhu Brasil, Paraguái, Uruguái ha Argentina-pe. Ko ñandu juehegua oñemombe'u'ypy ary 1871-pe, karai Áuteria pegua Anton Ausserer rupive, ha katu oñembohéra ñandukavaju guarani amo sa'ary XXI javénte, karai Nils Seethaler rupive. Ko téra oñeme’ẽkuri ko ñandúpe hetaiterei rupi oĩha guaranikuéra rekohápe, iñemitỹ ha yvyra ñekytĩ ombohetave ko ñandu.
Mba’ekuaarã
Hete pukukue ikatu ohupyty 8 cm peve, ha'e peteĩva umi ñandukavaju tuichavéva apytépe. Hete sa’y hũ ha hague marrõ. Opaite Grammostola ñemoñaréicha, hague ipy'ápe ojopíva, upévare ha'e umi ojeheróva "ñandu ombokapúva" mba'e, ikatúva oñorairõ hague ojopíva rupive. Oje'e kuña oikoveha 25 ary peve.
Heko
Grammostola grossa ha'e peteĩ ñandukavaju yvýre oikóva. Okañy yvyramáta rapo guýpe, ita térã yvyra rogue guýpe. Ára ro'ysãvévape ha oñeñangareko jave imitã rehe, okañy yvykuápe. Yvypóra omoambue hekoha ombohetavévo ñemitỹ ha yvyra ñekytĩ, oñemyasãi ko ñandu oparupi. Heta ñandu ojejuhu vaka ñu ha ka'aguy rembe'ýpe.
Mandu'apy
This article uses material from the Wikipedia Avañe'ẽ article Ñandukavaju guarani, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.