شمه ائره هیچ محدودیتی ندأنین که چندی و چنته موضوعˇ ره بنویسین.
ولی چون اگه یکته وانیویس پور دراز ببون، مومکنه که اینترنتˇ مئن اونˇ دئن طول بکشی و سنگین ببی، بئتره کی اگر یکته وانیویس (مقاله) طولانی ببؤ، اونه دشکنین و چنته وانیویس اونأ جی در بأرین و لینکˇ همره اوشؤنˇ به هم مربوط بکونین. مثلن اگه یکته شهرˇ ره وانیویس نویشته درین و خیلی زیاده، دئه لازم نیه کی اونˇ شهردارؤنˇ جیم هو وانیویسˇ مئن بنویسین. تینین او شهرˇ وانیویسˇ مئن لینک بدین به یکته صفحه به نامˇ «فلان شهر (شهرˇ نام)ˇ شهردارؤن» و بازون او صفحه مئن راجه به او شهرˇ شهردارؤن بنویسین.
ویکیپدیا لؤغتنامه یا فرهنگ لغات نیه. هینˇ وأسی ویکیپدیا وانیویسؤنˇ مئن کلمهٰنˇ معنی نوا دبؤن. خاهش کؤنیم او وانیویسؤنی که اوشؤنˇ مئن خالی یکته واژه معنیه توضیح دئنه، ننویسین و اوشؤنئبه مدخل چأنکونین.
البته گاگلف بعضی صفحهٰن هننأ کی اوشؤنˇ مئن یکته واژه ابهامزدایی واسی، اونˇ مختلف معانیه بنویشته دأنه یا گاگلف یکته موضوعˇ مئن اونˇ فننی کلمهٰنه لیست بوده دأنه کی ایشؤن استثنا ایسسن.
اگه خأنین یکته گیلکی واژهٰ ثبت بکونین یا اونˇ معنیه بنویسین، ویکیپدیا وأ بدین و بشین ویکیواژه مئن و خودتؤنˇ لؤغته با اونˇ معنی ثبت بکونین.
ویکیپدیا مئن نوا شخصی افکار و شخصی تحلیلؤنه وارد گودن. خاهش کؤنیم که ویکیپدیا مئن ایشؤنه وارد نکونین:
ویکیپدیا مئن نوا تبلیغات گودن. چی سیاسی و حزبی، چی تجاری و چی شخصی. وانیویسؤنˇ مئن نوا هی کسأ جی حمایت گودن یا هی کسئبه تبلیغ گودن. البته یکته وانیویس تا او زمات کی بیطرف باقی بمؤنه، تینه راجه به یک نفر یا حزب یا گورو گب بزنه.
ویکیپدیا مئن نوا تجاری تبلیغات گودن و اگه قراره راجه به یکته شرکت یا تجاری علامت و مارک یا محصول وانیویس بنویشته ببی، وا بیطرفی رعایت ببون.
This article uses material from the Wikipedia گیلکی article Wiki:ويکيپديا چي نئه, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.