ايران ٚ ۱۴۰۱ اعتراضان تظاهراتي ايسد کي مهسا أميني کۊشتن ٚ پسي کي ارشاد ٚ گشت ٚ دس اتفاق دکفته، شرۊع بۊبؤسته.
أ اعتراضان ۲۶ شهريور ۱۴۰۱ مئن ؤ اۊ زمات کي مردۊم، کسری ناخۊشخانه جۊلؤ کي مهسا أميني بستري بؤستن ٚ جيگا بۊ جمأ بؤستد، شرۊع بۊبؤسته. بأزين ايران ٚ همه ته اۊستانان ٚ مردۊم أ اعتراض ٚ مئن شرکت بۊگۊدئد ؤ تا هأسأ ني أ اعتراضان ايدامه دأرده. أ اعتراض ٚ مئن زناکان پۊر نخش بدأشتد ؤ کۊنۊش بۊگۊدئد. معترضان باخي کشوران ٚ مئن ني ويشتر جه ۱۵۰ ته شأر ٚ دۊرۊن اعتراضي تجمعان ٚ مئن شرکت بۊگۊدئد. أ تظاهرات گلف گلف همه ته قشران-أ جذب بۊگۊده ؤ دانش آمۊجان ؤ دانشمجان ؤ دانشگا اۊستادان ؤ واجاريئن ٚ اعتصاب ٚ أمرأ چار هفته جه دوارسته. ايسلامي جؤمۊري أ زمات ٚ مئن اينساني حۊقۊق-أ نقض بۊگۊده ؤ کۊچي زاکان-أ مردۊم ٚ زئن ٚ وأسي کار-أ گيته. تا ۲۰ مهر ۱۴۰۱ ايسلاي جؤمۊري مأمۊران ۲۰۱ کس جه معترض مردۊمان-أ بۊکۊشتد. أ اعتراضان ٚ مئن، ويشتر اينترنت ؤ ايجتماعی شبکهئن فيلتر بۊبؤستد. سياسي ؤ ايجتماعي فعالان، ورزشکاران هۊنرمندان ؤ دانشمجان ايران ٚ مئن بيگيته بۊبؤستد ؤ مأمۊران اۊشان-أ تهديد بۊگۊدئد کي نوا أ مؤضۊع ٚ باره گب بزند. صنعتي شريف ٚ دانشگا فترکستن ايته دئه جه اتفاقاني بۊ کي أ اعتراضان ٚ زمات ٚ مئن أنجام بيگيته ؤ أمنيتي مأمۊران سي تا چل دانشمج-أ بيگيتد ؤ اي سري-أ ني بزئد ؤ بدني تنبيه بۊگۊدئد. رابري بیت علميه حؤزهئن ؤ ديني مرجعان-أ تهديدي نامه بزه ؤ اۊشان-أ انتقادي کۊنۊشان ٚ جه منع بۊگۊده. أمنيتي مأمۊران أ اعتراضان ٚ مئن پۊر تۊند ؤ خشن ٚ رفتار بدأشتد ؤ مردۊم-أ بزئد ؤ تير تأوأدأده کي پۊر منفي واکۊنۊش-أ مردۊم ؤ رسانهئن ٚ مئن بدأشته.
This article uses material from the Wikipedia گیلکی article ايران ٚ ۱۴۰۱ اعتراضان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.