Walmart
094°12′59″O / 36.36417, -94.21639
Walmart (oficialmente, Wal-Mart, Inc.) é unha corporación multinacional de tendas de orixe estadounidense, que opera cadeas de grandes almacéns de desconto e clubs de almacéns. Foi fundada por Sam Walton en 1962, incorporada en 1969, e cotizou na Bolsa de Nova York dende 1972. A súa sede principal está situada en Bentonville, Arkansas.
| Walmart, Inc. | |
|---|---|
 | |
 Walmart en Bentonville | |
| Tipo | Capital aberto; cotiza como un compoñente do Promedio Industrial Dow Jones e do S&P 500) |
| Fundación | 1962 |
| Localización | Bentonville, Arkansas,  Estados Unidos |
| Fundador | Sam Walton |
| Industria | Venda polo miúdo |
| Número de empregados | 2 200 000 aprox. (2020) |
| Notas | |
| Na rede | |
| https://www.walmart.com, https://www.walmartphotocentre.ca/, https://photos.walmart.com/, https://www.walmart.ca/, https://www.walmart.com.mx/, https://grocery.walmart.com/ e https://walmartmexico.com.mx/ | |
       | |
| [ editar datos en Wikidata ] | |
Walmart é a maior corporación pública do mundo segundo a listaxe Fortune Global 500 de 2020. É o maior vendedor polo miúdo do mundo e ofrece a maior oferta de emprego privado no mundo, con máis de 2 millóns de empregados. É unha empresa familiar, porque a familia Walton posúe o 48 % da compañía. É tamén unha das empresas máis valiosas do mundo. Tamén é o propietario e o operador de Sam's Club, unha cadea de clubs de almacéns.
Walmart ten case 11 000 tendas baixo 65 marcas en 28 países e conta con páxinas web de comercio electrónico en once países. Opera a marca Walmart nos Estados Unidos, incluídos os 50 estados e Porto Rico. Opera no Canadá e en México con tendas WalMart Supercenter e Sam's Club; no Reino Unido é coñecida como Asda; no Xapón como Seiyu; en Chile como Líder e na India como Best Price.
Historia
Primeiros anos
En 1945, Sam Walton, un empresario e antigo empregado de J. C. Penney, comprou unha sucursal de Ben Franklin Stores, propiedade de Butler Brothers. Walton concentrouse en vender produtos a baixo prezo para obter un maior volume de vendas cunha menor marxe de ganancia. Esta estratexia presentouna como unha campaña a favor do consumidor. Con todo, tivo contratempos debido a que tanto o prezo do alugamento como o prezo de compra da sucursal foron inauditamente altos, mais foi capaz de conseguir provedores con custos máis baixos que os empregados por outtras tendas. Transferiu o que aforraba aos prezos dos seus produtos. As vendas aumentaron un 45 por cento no primeiro ano de ser o dono, chegando ata os 105 000 dólares no ingreso anual, que aumentou a 140 000 o seguinte ano e a 175 000 o ano posterior. Ao quinto ano, a tenda tivo uns ingresos de 250 000 dólares estadounidenses. Cando expirou o contrato de arrendamento do local, Walton non puido chegar a un acordo para renovalo, así que abriu unha nova franquía de Ben Franklin en Bentonville, Arkansas, que chamou Walton's Five and Dime.
O 2 de xullo de 1962, Walton abriu a primeira tenda de Walmart Discount City no 719 de Walnut Avenue en Rogers, Arkansas. Durante os primeiros cinco anos, a empresa expandiuse a 24 tendas ao longo de Arkansas e chegou aos 12,6 millóns de dólares en vendas. En 1968, abriu as súas primeiras tendas fóra de Arkansas, en Sikeston, Missouri e Claremore, Oklahoma.
Incorporación e crecemento
A empresa foi constituída como Wal-Mart Stores, Inc. o 31 de outubro de 1969. En 1970, abriu a súa oficina principal e primeiro centro de distribución en Bentonville, Arkansas. Tivo 38 tendas en operación e 1500 empregados, con vendas de 44,2 millones de dólares. Comezou a cotizar como unha compañía pública o 1 de outubro de 1970, e axiña se colocou na bolsa de Nova York. O seu desdobramento de accións ocorreu en maio de 1971 a un prezo de mercado de 47 dólares. Nese momento, Walmart estaba operando en cinco estados. Arkansas, Kansas, Luisiana, Missouri e Oklahoma; entrou en Tennessee en 1973 e en Kentucky e Mississippi en 1974. Cando se expandiu a Texas en 1975, Walmart tiña 125 tendas con 7500 empregados e un total de 340,3 millóns de dólares en vendas. Walmart abriu a súa primeira tenda en Texas en Mount Pleasant o 11 de novembro de 1975.
Na década de 1980, Walmart continuou o seu rápido crecemento e no momento do seu 25.º aniversario en 1987 tiña 1198 tendas operando e 200 000 asociados. Ese ano marcou tamén a conclusión da rede de satélite da empresa, un investimento de 24 millóns de dólares que vinculou todas as unidades operativas da empresa coa súa oficina en Bentonville por vía de transmisión bidireccional de voz e datos e comunicación unidireccional de vídeo. Nese momento, foi a maior rede de satélite privada, permitindo a oficina corporativa rastrexar o inventario e as vendas e instantneamente comunicarse coas súas tendas. En 1988, Sam Walton renunciou ao seu cargo como director executivo, e foi substituído por David Glass. Walton permaneceu como conselleiro de administración.
En 1988, abriu a primeira tenda Walmart Supercenter en Washington, Missouri. Grazas a estes supermercados, Walmart superou a Toys "R" Us nas vendas de xoguetes a finais da década de 1990. A empresa tamén abriu tendas no estranxeiro, entrando en América do Sur en 1995 con tendas na Arxentina e no Brasil; e en Europa en 1999, comprando Asda no Reino Unido por 10 mil millóns de dólares.
Notas
Véxase tamén
Wiki Commons ten máis contidos multimedia na categoría: Walmart  |
| A Galipedia ten un portal sobre: Estados Unidos de América |
Bibliografía
- Barbara Ehrenreich. Nickel and Dimed: On (Not) Getting By in America (2001). ISBN 0-8050-6388-9
- Bob Ortega. In Sam We Trust: The Untold Story of Sam Walton and Walmart, the World's Most Powerful Retailer (1998). ISBN 0-8129-6377-6
- Charles Fishman. The Wal-Mart Effect: How the World's Most Powerful Company Really Works—and How It's Transforming the American Economy (2006). ISBN 978-1-59420-076-2
- Greg Palast. The Best Democracy Money Can Buy (2002). ISBN 0-7453-1846-0
- Paul Ingram, Lori Qingyuan Yue, e Hayagreeva Rao. "Trouble in Store: Probes, Protests, and Store Openings by Wal‐Mart, 1998–2007," American Journal of Sociology, xullo de 2010, Vol. 116, No. 1: pp. 53–92. doi 10.1086/653596
- Nelson Lichtenstein. The Retail Revolution: How Wal-Mart Created a Brave New World of Business (2009). ISBN 978-0-8050-7966-1
- Robert Slater. The Walmart Decade: How a New Generation of Leaders Turned Sam Walton's Legacy into the World's #1 Company (2003). ISBN 1-59184-006-6
- Sandra Stringer Vance e Roy V. Scott. Wal-Mart: A History of Sam Walton's Retail Phenomenon (Twayne's Evolution of Modern Business Series) (1997). ISBN 978-0-8057-9832-6
Ligazóns externas
- Páxina oficial
- Empresas de Walmart agrupados en OpenCorporates
- Sitio corporativo de Wal-Mart Stores Arquivado 26 de abril de 2012 en Wayback Machine.
- Watching the Growth of Walmart Across America
- Grupos de interese e contribucións a campañas en OpenSecrets.org
- Acceso Total - Wal-Mart
- Documental
- Noruega e Walmart
- Wal-Mart ultima el asalto a Europa y mira hacia el Sur
This article uses material from the Wikipedia Galego article Walmart, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.