Valentín González Formoso: Político galego
Valentín González Formoso, nado nas Pontes de García Rodríguez en 1971, é un político galego do PSdeG, secretario xeral do PSdeG-PSOE, alcalde das Pontes de García Rodríguez e actual presidente da Deputación da Coruña.
| Biografía | |
|---|---|
| Nacemento | 1971  (52/53 anos)As Pontes de García Rodríguez, España |
| Alcalde das Pontes de García Rodríguez | |
 Presidente da Deputación da Coruña | |
| | |
| Datos persoais | |
| País de nacionalidade | España |
| Actividade | |
| Lugar de traballo | As Pontes de García Rodríguez |
| Ocupación | político |
| Partido político | Partido Socialista Obrero Español |
| Membro de | |
| Lingua | Lingua castelá |
Traxectoria
Estudou dereito na USC sen chegar a rematar a carreira e traballou despois como empregado de Iberdrola. Está casado e ten dous fillos. Nas Eleccións Municipais do 2007 foi o candidato do PSdeG-PSOE á alcaldía das Pontes de García Rodríguez, sendo elixido alcalde ao ser a lista máis votada, gobernando en minoría con 8 concelleiros fronte a 8 do BNG e 1 do PPdG. Nas Eleccións Municipais do 2011 a lista por el encabezada acadou a maioría absoluta con 12 concelleiros.
No ano 2013, tralo nomeamento da nova executiva liderada por José Ramón Gómez Besteiro, pasou a ser secretario de Política Municipal no aparato do PSdeG.
Tralas Eleccións Municipais do 2015 revalida a alcaldía con maioría absoluta, e un pacto entre PSdeG-PSOE e BNG permítelle ser elixido Presidente da Deputación da Coruña cos votos a favor tamén de Marea Atlántica, Compostela Aberta e Alternativa dos Veciños. En decembro de 2017 venceu nas primarias pola secretaría xeral do PSdeG na provincia da Coruña cun 69% dos votos fronte a Mercedes Rosón, sendo proclamado novo secretario xeral no congreso provincial de xaneiro de 2018. Nas eleccións municipais de 2019 revalidou tanto a alcaldía, con maioría absoluta, como a presidencia da Deputación de novo cun pacto co BNG.
Presentouse ás primarias pola Secretaría Xeral do PSdeG-PSOE en outubro de 2021, vencendo ó entón secretario xeral Gonzalo Caballero con case o 60% dos votos e asumindo formalmente o posto no 14 Congreso Nacional galego en decembro de 2021. Nas eleccións municipais de 2023 revalidou novamente a alcaldía con maioría absoluta e a presidencia da Deputación cun pacto cos nacionalistas.
| Predecesor: Gonzalo Caballero Míguez |  Secretario Xeral do PSdeG-PSOE 2021 - actualidade | Sucesor: no cargo |
| Predecesor: Víctor Guerreiro Pena |  Alcalde das Pontes de García Rodríguez 2007 - actualidade | Sucesor: no cargo |
| Predecesor: Diego Calvo Pouso |  Presidente da Deputación da Coruña 2015 − actualidade | Sucesor: no cargo |
| Predecesor: Julio Sacristán | Secretario Provincial do PSdeG da Coruña 2018 - 2022 | Sucesor: Bernardo Fernández Piñeiro |
Notas
Véxase tamén
Outros artigos
Ligazóns externas
This article uses material from the Wikipedia Galego article Valentín González Formoso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.