Nuria Rábano Blanco, nada en Ames o 15 de xuño de 1999, é unha futbolista galega que xoga de lateral esquerda no VfL Wolfsburg, da Bundesliga.
Nuria Rábano | |||
---|---|---|---|
Información persoal | |||
Nome | Nuria Rábano Blanco | ||
Nacemento | 15 de xuño de 1999 | ||
Lugar de nacemento | Santiago de Compostela | ||
Altura | 1,65 m. | ||
Posición | Lateral esquerda | ||
Información de club | |||
Club actual | VfL Wolfsburg | ||
Número | 14 | ||
Carreira xuvenil | |||
Milladoiro SD | |||
Carreira sénior | |||
Anos | Equipos | Aprs | (Gls) |
2015–2016 | Atlético Arousana | ||
2016–2020 | Deportivo da Coruña | 20+ | |
2020–2022 | Real Sociedad | 57 | (0) |
2022–2023 | FC Barcelona | 19 | (0) |
2023– | VfL Wolfsburg | 7 | (0) |
Selección nacional | |||
2015 | España sub-17 | 3 | (0) |
2017 | España sub-19 | 5 | (0) |
2018 | España sub-20 | 1 | (0) |
2021– | España | 1 | (0) |
Na rede | |||
Partidos e goles só en liga doméstica. Club: actualizado a 1 de xaneiro de 2024. Selección: actualizado a 1 de xaneiro de 2024.[ editar datos en Wikidata ] | |||
Nada en Ames, comezou a xogar ao fútbol no Milladoiro SD, onde exercía como adestrador seu pai, o ourensán Javier Rábano. Xogou con nenos durante máis dunha década, ata que aos 16 anos deu o salto a un equipo puramente feminino, o Atlético Arousana de Vilagarcía.
Despois dunha soa tempada no club vilagarcián, foi fichada polo Deportivo da Coruña, que viña de crear a súa nova sección feminina. Xogou de inicio o primeiro partido oficial da historia do club e a pesar da súa xuventude, axiña se converteu en titular indiscutible. Comezou xogando como extremo e incluso dianteira, ata que Manu Sánchez atrasou a súa posición ata o lateral, onde as súas actuacións a levaron ás categorías inferiores da selección española. En 2019 debutou na Primeira División, despois de conseguir o ascenso na tempada anterior.
En 2020, fichouna o Real Sociedad, equipo co que na tempada 2021/22 conseguiu un subcampionato de liga e a clasificación para xogar a Liga de Campións o próximo ano.
O 17 de xuño de 2022 anunciouse a súa fichaxe polo FC Barcelona. Co equipo adestrado polo tamén galego Jonatan Giráldez conquistou o título de liga de xeito asoballante, con 28 vitorias en 30 partidos e despois de encaixar só 10 goles durante a competición. Chegou tamén á final da Liga de Campións, onde se proclamou campioa ao derrotar ao VfL Wolfsburg, aínda que permaneceu no banco todo o partido. Foi a segunda Champions para o club e o terceiro título da tempada, despois de gañar tamén a Supercopa de España.
En agosto de 2023 anunciouse a súa fichaxe polo VfL Wolfsburg, da Bundesliga.
Foi internacional coas categorías inferiores da selección española e proclamouse subcampioa do Mundial sub-20 de 2018. En outubro de 2022 debutou coa selección española absoluta, nun partido ante Suecia no Estadio Nuevo Los Cármenes, onde substituíu na segunda metade a Olga Carmona.
This article uses material from the Wikipedia Galego article Nuria Rábano, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.