Mofa E Befa: Dúo cómico formado polos actores galegos Evaristo Calvo e Víctor Mosqueira
Mofa e Befa é un dúo cómico formado polos actores galegos Evaristo Calvo e Víctor Mosqueira en decembro do ano 1992.
Historia e caracaterísticas
Desde aquela teñen traballado en multitude de espectáculos teatrais humorísticos con xiras por Galicia, actuacións en actos sociais e mesmo participacións en acontecementos coma o Festival de teatro Español de autor contemporáneo de Alacant.
Tamén rodaron en 1995 a curtametraxe muda Mofa e Befa en Gran liquidación, baixo a dirección e Jorge Coira e producida pola Escola de Imaxe e Son da Coruña, que recibiu varios premios. En televisión conduciron en 1999 o programa Apaga a luz, e teñen colaborado no veterano programa da Televisión de Galicia Luar.
Tanto Calvo coma Mosqueira compaxinan Mofa e Befa con outros proxectos televisivos e cinematográficos, e mesmo coincidiron noutros proxectos á marxe do dúo, como a serie Mareas vivas.
Algúns dos seus espectáculos máis destacados son Para serexactos, Manifesto por un teatro perralleiro, Finismundi Circus, Cultura para dar e tomar ou Shakespeare para principiantes.
Espectáculos
- Gran Liquidación, curta de 1992
- Primeiro Amor
- Para ser exactos
- Manifesto para un teatro perralleiro
- Finismundi Circus
- Cultura para dar e tomar
- Sempre ao lonxe
- Románticos
Véxase tamén
Ligazóns externas
This article uses material from the Wikipedia Galego article Mofa e Befa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.