Juanillo Esteban
Juan José Esteban Gómez, máis coñecido como Juanillo Esteban, nado na Coruña o 12 de abril de 1968, é un actor, cantante, contacontos, clown e guionista galego.
É tamén a voz do Xabarín da TVG.
  | |
| Biografía | |
|---|---|
| Nacemento | 12 de abril de 1968 (56 anos) A Coruña, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
Traxectoria
Estudou produción e realización de vídeo-TV na CAI (A Coruña), interpretación, guión, produción de espectáculos en vivo e talleres de clown con Jango Edvards e Leo Bassi.
Deuse a coñecer en 1993 no papel de Rufo Machado na comedia gore de culto A matanza caníbal dos garrulos lisérxicos, dirixida por Antonio Blanco, quen, un ano despois, foi un dos creadores do xa mítico e revolucionario programa infantil da TVG Xabarín Club. Neste programa Juanillo é a voz do Xabarín, o personaxe principal e presentador, dende 1994, co que tamén participou na serie Os Vixilantes do Camiño.
Outra faceta pola que é coñecido é polo seu traballo de monologuista, sendo o creador e intérprete do personaxe "Yoni Mediogramo".
Participou en varias series da TVG como Avenida de América, Fíos, ademais de intervencións en seis capítulos de Pratos combinados.
No 2004 volveu ó cinema de culto coa curtametraxe A Consulta do Dr. Natalio, de Javi Camino, na que interpreta o sinistro doutor, un científico tolo, papel que o actor volveu repetir na longametraxe ¡Maldito Bastardo!.
Tamén interveu no programa Fatal, fatal, fatal baixo o nome Juanillo Calamidad.
En 2019 dirixiu a Gala dos Premios María Casares xunto a Carlos Sante.
Películas
- A matanza caníbal dos garrulos lisérxicos (1993)
- ¡Maldito bastardo! (2007)
Curtametraxes
- ¿A ti como se che di adeus? (1999)
- A consulta do Dr Natalio (2004)
Televisión
Programas
- Fatal, fatal, fatal (1991)
- Xabarín Club (1994)
- Máxima audiencia (2004)
- Onda curta (2005)
- Noitemóbil (2006)
Series
- Pratos combinados (1995)
- Rías Baixas (1999)
- Os Vixilantes do Camiño (2000)
- Avenida de América (2001)
- Fíos (2001)
- Somos unha potenzia (2006)
- Padre Casares (2008)
Notas
Véxase tamén
Ligazóns externas
This article uses material from the Wikipedia Galego article Juanillo Esteban, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.