Hematita: Mineral
A hematita (do grego haimatites que significa sangue; e tamén chamada olixisto DRAG e DRAE din o contrario) é un mineral da clase dos óxidos cuxa fórmula química é Fe2O3 (contén o 70% de ferro se se atopa en estado puro).
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2017.) |
| Hematita | |
|---|---|
 Hematita de crecemento globular | |
| Fórmula química | Fe2O3 |
| Clase | Óxidos |
| Sistema cristalino | Trigonal |
| Cor | Vermella e negra |
| Brillo | De metálico a terroso |
| Dureza | 5,5-6,5 |
| Fractura | Concoidea |
| Exfoliación | Inexistente |
| Raia | Vermella escura |
| Densidade | 4,9-5,3 g/cm3 |
Aspecto
A hematita pode presentar dende un brillo metálico nos exemplares escuros ata un brillo terroso nos ocres ou vermellos. O crecemento deste mineral pode ser acicular, laminar (parecido ás micas), formando costras e escamas ou tamén globular.
Lugares onde se atopa
Atópase principalmente en zonas de oxidación, en filóns hidrotermais ou do produto da meteorización das rochas compostas por ferro.
Os xacementos máis importantes en España son o das Minas del Marquesado en Guadix (provincia de Granada) e o de El Pedroso (Sevilla). Tamén aparece en Ortigueira (A Coruña) e en Viveiro (Lugo).
Usos da hematita
A hematita constitúe a fonte máis importante de ferro xa que en estado puro contén o 70% deste metal.
Utilízase tamén para crear colorantes industriais.
Propiedades
Aínda que con certa dificultade, disólvese en ácido clorhídrico.
Outros óxidos
O rútilo, a magnetita e a casiterita son outros óxidos importantes.
This article uses material from the Wikipedia Galego article Hematita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.