Game Freak: Empresa xaponesa desenvolvedora de videoxogos

Antes dunha compañía de videoxogos, Game Freak foi unha publicación propia de videoxogos creada por Satoshi Tajiri e Ken Sugimori na década de 1980. Tajiri escribiu e editou os textos e Sugimori facía as ilustracións. Tajiri tamén usou "Game Freak" como seudónimo cando escribía como independente para publicacións como Family Computer Magazine e Famicom Tsūshin.

O 26 de abril de 1989, Tajiri, Sugimori e Junichi Masuda fundaron unha compañía de desenvolvemento de videoxogos co mesmo nome. Un dos primeiros xogos de Game Freak foi o videoxogo de acción e crebacabezas para Nintendo Entertainment System Quinty, que se estreou en América do Norte como Mendel Palace. A súa serie máis popular, Pokémon— unha romanización da marca xaponesa Pocket Monsters (ポケットモンスター, Poketto Monsutā^?)— é publicada e distribuída respectivamente por The Pokémon Company e Nintendo en todo o mundo.

En outubro de 2015, Game Freak mercou Koa Games, unha compañía de desenvolvemento de móbiles. En maio de 2019, o director de Game Freak Masayuki Onoue desvelou que Game Freak preorizou a creación de videoxogos orixinais co obxectivo de facer medrar a experiencia do seu persoal. A iniciativa da compañía Gear Project, que anima ós creadores a presentar ideas de xogos orixinais durante os períodos tranquilos, ata agora deu lugar a xogos orixinais como HarmoKnight, Pocket Card Jockey, Tembo the Badass Elephant e Giga Wrecker.

Ligazóns externas

• Páxina oficial (en xaponés)