Dhyan Chand, nado en Allahabad o 29 de agosto de 1905 e finado Delhi o 3 de decembro de 1979, foi un xogador de hóckey sobre herba indio, un dos mellores xogadores da historia do deporte.
Foi coñecido polas súas extraordinarias proezas goleadoras, e gañou tres medallas de ouro olímpicas en 1928, 1932 e 1936, nunha época en que a India dominou o deporte. A súa influencia estendeuse alén desas vitorias, posto que o país gañou o campionato olímpico de hóckey en sete das oito olimpíadas entre 1928 e 1964. Crese que logo de que a India derrotase a Alemaña na final olímpica de 1936 por 8-1, Adolf Hitler ofreceu a Chand un posto sénior no exército alemán, o que este rexeitou.
Nome orixinal | (en) Dhyan Chand Kushwaha |
---|---|
Biografía | |
Nacemento | 29 de agosto de 1905 Prayagraj, India |
Morte | 3 de decembro de 1979 (74 anos) Delhi, India |
Causa da morte | Cancro do esófago |
Datos persoais | |
País de nacionalidade | India (1950–) Dominio da India (1947–1950) Raj Británico (–1947) |
Educación | Aligarh Muslim University (en) |
Altura | 169 cm |
Actividade | |
Ocupación | xogador de hóckey , autobiógrafo |
Período de actividade | 1922 - 1951 |
Carreira militar | |
Rango militar | Comandante |
Nacionalidade deportiva | India |
Deporte | hóckey sobre herba |
Posición de xogo | Atacante |
Participou en | |
1936 | Xogos Olímpicos de 1936 |
1932 | Xogos Olímpicos de 1932 |
1928 | Xogos Olímpicos de 1928 |
Premios
| |
Coñecido como O mago (The Wizard ou The Magician) do hóckey polo seu soberbio control da bóla, Chand xogou internacionalmente entre 1926 e 1949; marcou 570 goles en 185 partidos segundo a súa autobiografía, Goal. O Goberno da India concedeu a Chand o terceiro honor máis alto para un civil, o Padma Bhushan, en 1956. O día do seu nacemento, o 29 de agosto, celébrase anualmente na India o Día Nacional dos Deportes.
Dhyan Chand continúa a ser unha figura lendaria no hóckey indio e mundial. As súas habilidades foron glorificadas en varias historias e anécdotas apócrifas.
O premio máis importante na india ao mérito deportivo é o premio Dhyan Chand que se outorga anualmente dende 2002 a figuras deportivas que non só contribuíron ao deporte durante a súa carreira senón tamén despois da súa retirada. O Estadio Nacional de Delhi foi rebautizado como Dhyan Chand National Stadium en 2002 na súa honra.
Un internado da Universidade Musulmá Aligarh, da que foi alumno, recibiu o seu nome.
O goberno da India emitiu un selo conmemorativo en honor de Chand. Foi o primeiro xogador de hóckey indio que recibiu esa honra.
Wiki Commons ten máis contidos multimedia na categoría: Dhyan Chand |
A Galipedia ten un portal sobre: India |
This article uses material from the Wikipedia Galego article Dhyan Chand, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.