Datum

Unha definición aproximada de nivel do mar é o datum WGS 84, un elipsoide, aínda que unha definición máis exacta é o Modelo Gravitacional da Terra 2008 (EGM2008), que emprega polo menos 2159 harmónicos esféricos. Definíronse outros datums para outras áreas ou noutras épocas. Así, o ED50 definiuse en 1950 para Europa e difire do WGS 84 en varios centos de metros dependendo do lugar.

Marte non ten océanos e polo tanto non existe un nivel do mar, mais deseñáronse polo menos dous datums para localizar lugares na súa superficie.

Os datums empréganse en xeodesia, navegación e cartografía, ademais de sistemas de navegación por satélite para trasladar posicións indicadas en mapas á súa posición real na Terra. Comézase cun elipsoide e defínense as coordenadas latitude, lonxitude e altitude. Un ou máis lugares sobre a superficie da Terra escóllense como puntos bases.

A diferenza en coordenadas entre datums adoita referirse como desprazamento do datum. Este desprazamento ppode variar dun lugar a outro nun país ou rexión, e pode variar entre cero e centos de metros (ou varios quilómetros para algunhas illas remotas). O Polo Norte, o Polo Sur e o Ecuador estarán en diferentes posicións en diferentes datums, xa que o norte verdadeiro será lixeiramente distinto. Datums diferentes empregan interpolacións diferentes para a forma e tamaño preciso da Terra.

Dado que a Terra é un elipsoide de referencia imperfecto, os datums localizados poden dar unha representación máis exacta da área que cobren que o WGS 84. Por exemplo, o OSGB36 é unha aproximación mellor ao xeoide nas illas Británicas que o WGS 84 global. Porén, debido ao beneficio dun sistema global, o datum WGS84 está a aumentar a súa adopción.

Os datums horizontais empréganse para describir un punto sobre a superficie da Terra en latitude e lonxitude ou outro sistema de coordenadas. Os datums verticais miden elevacións ou profundidades.

• WGS 84, 72, 66 e 60 do Sistema Xeodésico Mundial.
• NAD83, datum norteamericano, moi similar ao WGS 84.
• NAD27, antigo datum norteamericano, do que o NAD83 é un axuste.
• OSGB36 do Ordnance Survey do Reino Unido.
• ETRS89, datum europeo, relacionado co ITRS.
• ED50, antigo datum europeo.
• GDA94, datum australiano.
• JGD2011, datum xaponés, axustado polos cambios causados polo terremoto e tsunami de Tōhoku de 2011.
• Tokyo97, antigo datum xaponés.
• KGD2002, datum coreano.
• TWD67 e TWD97, diferentes datums empregados en Taiwán.
• BJS54 e XAS80, antigos datums empregados na China.
• GCJ-02 e BD-09, datums chineses encriptados.
• PZ-90.11, referencia xeodésica empregada por GLONASS.
• GTRF, referencia xeodésica empregada polo sistema Galileo.
• CGCS2000 ou CGS-2000, referencia xeodésica empregado polo sistema de navegación BeiDou.
• International Terrestrial Reference Frame (ITRF88, 89, 90, 91, 92, 93, 94, 96, 97, 2000, 2005, 2008, 2014), diferentes realizacións do ITRS.
• Hong Kong Principal Datum, datum vertical empregado en Hong Kong.

Ligazóns externas

• GeographicLib includes a utility CartConvert which converts between geodetic and geocentric (ECEF) or local Cartesian (ENU) coordinates. This provides accurate results for all inputs including points close to the center of the Earth.
• A collection of geodetic functions that solve a variety of problems in geodesy in Matlab.
• NGS FAQ – What is a geodetic datum?
• About the surface of the Earth on kartoweb.itc.nl