Comarca Da Terra Chá: Comarca da provincia de Lugo

É a comarca máis extensa de Galicia con 1823,02 km². No ano 2020 tiña 39.702 habitantes. A paisaxe desta chaira combina frecuentes outeiros coroados na súa maioría por castros —cómpre citar o castro de Viladonga— con agros e pasteiros chans, importantes lagoas como a de Cospeito ou Caque e máis dun cento de ríos e regatos que percorren a comarca.

Comarca da Terra Chá

Localización
43°16′00″N 7°38′00″O / 43.2667, -7.63337°38′00″O / 43.2667, -7.6333
Estado	España
Comunidade autónoma	Galicia
Provincia	Provincia de Lugo
Contén a división administrativa	A Pastoriza Abadín Begonte Castro de Rei Cospeito Guitiriz Muras Vilalba Xermade
Poboación
Poboación	47.697 (2003) (1.823,28 hab./km²)
Xeografía
Superficie	26,16 km²

Pertencen a ela os concellos de Abadín, Begonte, Castro de Rei, Cospeito, Guitiriz, Muras, A Pastoriza, Vilalba e Xermade, sendo a súa capital Vilalba.

A Terra Chá pódese definir como unha comarca rural cunha economía de clara vocación agrícola e gandeira. A climatoloxía e os solos permiten que haxa unha importante extensión de parcelas dedicadas a pastos onde se alimentan un gran número de vacas destinadas especialmente á produción láctea contando para iso con modernas explotacións que son, na súa maioría, de carácter familiar pero altamente competitivas. Naqueles lugares da comarca onde a topografía é máis montañosa cobra auxe a gandaría extensiva, dedicada á produción cárnica e predominando a raza autóctona rubia galega. A flora da comarca da Terra Cha é moi variada incluíndo importantes áreas de carballeiras, soutos e fragas; domina o carballo acompañado por bidueiros, salgueiros, ameneiros, castiñeiros e piñeiros do país.

O poeta Manuel María adicoulle á comarca o poemario Terra Chá, onde fala das súas terras e as súas xentes:

A Terra Chá somentes é:
un povo aquí, outro acolá
mil arbres, monte raso,
un ceo chumbo e tráxico
no que andan as aves a voar.
O resto é soedá.

•  
  Vista da Terra Chá desde Carballido.
•  
  Ponte do século XVII sobre o río Batán, entre os concellos de Abadín e Vilalba.

Outros artigos

• Instituto de Estudos Chairegos

Este artigo sobre comarcas de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.