Amitabh Bachchan: Actor indio
Amitabh Harivansh Bachchan, nado en Allahabad o 11 de outubro de 1942, é un actor indio.
Traxectoria
Comezou a ser popular a primeiros da década de 1970 pola súa actuación en filmes como Deewar e Zanjeer, e desde entón apareceu en arredor de 180 filmes, nunha carreira que abrangue catro décadas. Bachchan está considerado un dos actores máis grandes e máis influentes na historia de cinema indio. Tan amplo era o seu dominio da escena cinematográfica india na década de 1970 e 1980 que o director francés François Truffaut denominouna "industria dun só home.". Gañou moitos dos grandes premios do cinema indio, incluíndo tres premios nacionais cinematográficos indios ao mellor actor, e catorce premios Filmfare. Alén de actuar, Bachchan tamén cantou en varios filmes e presentou algúns programas de televisón. Na década de 1980 tivo unha curta carreira política, e foi membro do Lok Sabha de 1984 a 1987. En 2013 debutou en Hollywood con The Great Gatsby, no que interpretou a Meyer Wolfsheim.
Filmografía
| Ano | Filme | Papel | Notas |
|---|---|---|---|
| 1971 | Anand | Dr. Bhaskar Bannerjee (Babu Moshai) | Filmfare ao mellor actor secunario |
| 1973 | Namak Haraam | Vikram (Vicky) | Filmfare ao mellor actor secundario |
| 1977 | Amar Akbar Anthony | Anthony Gonsalvez | Filmfare ao mellor actor |
| 1978 | Don | Don / Vijay | Filmfare ao mellor actor |
| 1990 | Agneepath | Vijay Deenanath Chauhan | Premio Nacional Cinematográfico ao mellor actor |
| 1991 | Hum | Tiger / Shekhar | Filmfare ao mellor actor |
| 2000 | Mohabbatein | Narayan Shankar | Filmfare ao mellor actor secundario |
| 2001 | Aks | Manu Verma | Filmfare dos críticos ao melllor actor |
| 2005 | Black | Debraj Sahani | Premio Nacional Cinematográfico ao mellor actor Filmfare ao mellor actor Filmfare dos críticos ao mellor actor
|
| 2009 | Paa | Auro | Premio Nacional Cinematográfico ao mellor actor Filmfare ao mellor actor |
Notas
| A Galipedia ten un portal sobre: India |
This article uses material from the Wikipedia Galego article Amitabh Bachchan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.