Abraham Cupeiro, nado en Sarria en 1980, é un músico e musicólogo galego, coñecido por recuperar e reconstruír instrumentos da antigüidade.
Biografía | |
---|---|
Nacemento | 1980 (43/44 anos) Sarria, España |
Datos persoais | |
País de nacionalidade | España |
Actividade | |
Ocupación | músico , musicólogo , lutier |
Lingua | Lingua galega |
Instrumento | Trompeta |
Páxina web | abrahamcupeiro.com… |
Estudou trompeta no Real Conservatorio Superior de Música de Madrid e fixo un máster de Interpretación da Música Antiga na Universidade Autónoma de Barcelona.
No ano 2006, construíu unha trompeta barroca con técnicas do século XVIII. Tamén reconstruíu un carnyx, unha trompeta celta da Idade de Ferro, guiándose pola imaxe dunha moeda romana. Recuperou un instrumento desaparecido da tradición galega, a corna, que tocaba o seu avó. Conta cunha colección de máis de 200 instrumentos de todo o mundo e de diferentes épocas. Dende 2006 leva a cabo o espectáculo "Resoando no pasado", un concerto-Wiki Galegomonólogo no que dá a coñecer instrumentos de vento de diferentes épocas e lugares, moitos deles construídos por el mesmo.
Entre as súas colaboracións salientan diferentes agrupacións historicistas, a do acordeonista belaruso Vadzim Yukhnevich, así como co grupo musical galego Grupo 1500, onde tocaba a corneta, frautas e a gaita.
En outubro de 2017, lanzou con Warner Classics un disco coa Real Filharmonía de Galicia, Os sons esquecidos, no que interpreta diferentes instrumentos ancestrais.
This article uses material from the Wikipedia Galego article Abraham Cupeiro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.