Livermorii (Lv — livermorium latinan kelel) om 116nz' himine element himižiden elementoiden periodižes tabludes.
Sen sijaduz om kudendestoštkümnendes gruppas, tabluden seičemendes periodas.
116 | 6 18 32 32 18 8 2 |
Lv (293) | |
Livermorii |
Ei ole livermorijad londuses. Se om transaktinoidine ratud element.
Voib sada elementan severt-se atomoid vaiše tetabiš südäitukreakcijoiš. Element sase kürijaspäi i kal'cijaspäi vai čihodamižel oganesonaspäi.
Lugustusen mödhe livermorijan muiktuzmärad voidas olda +2, +4 i −2.
Venämalaižiden tedomehiden grupp avaiži livermorijan Dubnas vl 2000 i jätksi sen kodvid vhesai 2006. Amerikaižed i nevondkundaližed tedoidajad napriba löuta 116:nt elementad sen-žo kürijan-248 i kal'cijan-48 reakcijan jäl'giš vll 1977, 1978 i 1985, no ecind oli satusetoi.
Vn 2011 1. päiväl kezakud IUPAC tundišti 116-nden elementan avaidust i vn 2016 28. päiväl kül'mkud vahvišti elementan nimitust E. Lourensan nimel nimitadud Livermoran rahvahaližen laboratorijan mödhe (Livermor-lidn, AÜV), kudamb ühtni elementan avaiduses, sihesai kucuihe sidä Unungeksii-nimeks (Uuh) da eka-polonijaks.
Livermorijan atommass — 293. Ninevuz (normaližiš arvoimižiš) — 12,9 g/sm³ (lugustusen mödhe). Suladandlämuz — 637..780 K (364..507 C°, ezimeletaden). Kehundlämuz — 1035..1135 K (762..862 C°, ezimeletadud).
Kaik nell' izotopad om avaitud 290..293 atommassanke. Kaikiš hätkemb pol'čihodamižen pord om livermorijal-293, 53 millisekundad. Kändasoiš flörovijaks α-čihodamižen jäl'ghe.
Livermorii Vikiaitas |
This article uses material from the Wikipedia Vepsän article Livermorii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.