Skotland
Skotland lii Ovtâstum kunâgâskode uásikuávlu.
Stuárráámus kaavpug lii Glasgow, mut Skotland uáivikaavpug lii Edinburgh. Skotland lii Ovtâstum kunâgâskode nubben stuárráámus uásikuávlu, já ive 2012 tobbeen assii 8,3 % Ovtâstum kunâgâskode ässein.
| Skotland Scotland Alba | |
|---|---|
 lippu |  vaakun |
 | |
| Uáivikaavpug | Edinburgh |
| Eres kaavpugeh | Glasgow (stuárráámus) Aberdeen |
| Vijđodâh | 78 789 km² |
| Virgáliih kielah | eŋgâlâskielâ, skottikielâ, gaelikielâ |
| Vaaluut | Eŋland pudde (GBP) |
| Äigi | UTC |
| – kesiäigi | UTC+1 |
| Jotolâh | čižetpiälásâš |
| Motto | In My Defens God Me Defend (de facto) |
| Aalmuglâšlaavlâ | Flower of Scotland (de facto) |
Historjá
Skotland lâi jiečânâs staatâ 800-lovvoost ive 1603 räi, ko skotlandlâš James VI šoodâi Eŋland, Irland já Skotland kunâgâssân. Ive 1707 šoodâi Stuorrâ-Britannia ovtâstum kunâgâskodde. Skotland lii onnáá peeivi autonomisâš kuávlu, mut tot lii halijdâm jienâstiđ jieijâs jiečânâsvuođâst tastmaŋa ko Ovtâstum kunâgâskodde iäránij Euroop unionist ive 2020.
Eennâmtiätu
Skotland luávdá Stuorrâ-Britannia suolluu tavemuu kuálmádâs. Rääji nannaam-Skotland já Eŋland kooskâst lii 154 km kukke. Atlant väldimeerâ, Irlandmeerâ já Tavemeerâ pirâstiteh Skotland. Skotlandist láá meid suulân 790 suollud. Stuárráámus uási ässein ääsih Skotland koskâoosijn, kost lii meid uáivikaavpug Edinburgh.
Kuávlulâš jyehim
Skotland lii juohhum 32 haaldâtlii kuávlun, main vijđoduv mield stuárráámus lii Highland já ässeelovo mield stuárráámus lii Glasgow City. Tááláš jyehim poođij vuáimán cuáŋuimáánu 1. peeivi 1996.
Fáádást eres soojijn
Wiki Commonsist láá koveh teikkâ eres tiätuvuárháh fáádást Skotland.
Käldeeh
This article uses material from the Wikipedia Anarâškielâ article Skotland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.