Шкоция
Шкоция, по англицкы и шкотскы Scotland, по гелскы Alba — штат в статусѣ автономной административно-политичной части Споеного Кральовства Великой Британии и Сѣверной Ирландии.
| Шкоция англ. Scotland (шк.) Alba (шк.гел.) | |
|---|---|
  Застава и герб | |
| Розлога | 78782 км2 |
| Обывательство | 5 295 400(2011) |
| Столиця | Единбург |
| ГДП на особу | $45904 |
| Интернет-домен | .scot |
| Часова зона | UTC+0 (влѣтѣ +1) |
| Телефонный код | +44 |
| *** | |
Шкоция занимать сѣверну часть острова Велика Британия и прилеглы островы. Хоть она териториално занимать третину Великой Британии, подля обывательства там жие лем десятина.
История
В старовѣком Римѣ Шкоцию называли часто Каледониев. Античны авторы называли обывательох Шкоции пиктами, од V. стороча там з Ирландии зачали ся селити шкоты. В IX. сторочу ся склало споене кральовство пиктох и шкотох, называне Алба, а од XI. стороча познате як Кральовство шкотох лат. Regnum Scottorum або Шкоция лат. Scotia, англ. Scotland.
Од конця XIII. стороча Англия пробовала добыти Шкоцию, але натрафила на одпор. В року 1314 Шкоты поразили англицку армаду. В року 1328 Англия вызнала независимость Шкоции. Од року 1603 на англицкый престол наступив краль Якуб І. Стюарт (1566-1603-1625) з шкотского дома Стюартох. Быв он разом и кральом Шкоции яко Якуб VI. (1566-1567-1625) и так в часѣ его панованя реализовала ся Уния корун меджи Англицкым и Шкотскым кральовством. В роках 1651–1952 Шкоция была насилно прилучена ку Англии, а в року 1707 набрали силу официалны акты, котрыма ся закончила ся история Шкотского кральовства, и оно вошло в Кральовство Великой Британии.
Днешность
Подля резултатох референдума з року 1997 Шкоция (в року 1999, первый раз од року 1707) обновила свой независимый парламент, а зачатком XXI. стороча склав ся активный рух, веденый Шкотсков националнов партиев, за обновлѣня независимости Шкоции. На референдумѣ 18. септембра 2014 векшина обывательства автономии проголосовала за далше стриманя Шкоции в составѣ Великой Британии.
Обывательство
Шкоты суть трудолюбивы, практичны и горды своима традициями и оригиналнов културов. Хоть дефинитивна векшина теперь говорить по англицкы, гелскый (Scottish Gaelic) и шкотскый (Scots) язык мають широкый вплыв и хоснованя, суть подтримованы в новом парламентѣ од року 1999, а мѣстны школскы администрации суть повинованы включити до програмы школ выуку тых языкох и литератур там, де на то е потреба. При том, же Шкоция найрѣдко заселеный регион Великой Британии, ту основна маса обывательства сконцентрована довкола четырьох мѣст: Абердин, Данди–Перт, Единбург, Глазгов, котры суть центрами промысла, транспорта и торговлѣ. В тых мѣстах густота обывательства стораз векша як в найменше заселеных частях Шкоции.
Жерела и одказы
- Brown, Alice; Macleod, Iseabail C.; Moulton, Matthew James and Cameron, Ewen A. (12 May. 2021). Scotland. Encyclopedia Britannica. https://www.britannica.com/place/Scotland. [перевірено 2021-08-05].англ.
- House of Stuart, Scottish and English royal family. Encyclopedia Britannica. 16 Feb. 2021. https://www.britannica.com/topic/House-of-Stuart. [перевірено 2021-08-05].англ.
- Мереминский С. Г. ШОТЛАНДИЯ //Большая российская энциклопедия. Том 35. Москва, 2017 стр. 85 Одчитане: 28.06.2023 русс.
- Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с. ISBN 5-85270-015-0 русс. С. 1527
Референции
This article uses material from the Wikipedia Русиньскый article Шкоция, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.