Scotia

Scotia (Anglice Scotland ; Gadelice Alba) est civitas quae pars Britanniarum Regni est et in septentrionali insulae Magnae Britanniae parte tertia consistit. Una cum Anglia et Cambria, Scotia Britanniam constitit; Britannia vicissim et Hibernia Septentrionalis Britanniarum Regnum constituunt. Scotiae continentali sunt fines 96 milia longi cum Anglia ad meridiem et orientem iacentes, atque aliter ab Oceano Atlantico ad septentriones et occidentem, Mari Septentrionali ad septentriones et orientem, et Mari Hibernico ad meridiem circumdatur. Praeterea, Scotiae sunt plus quam septingentae et nonaginta insulae, plerumque intra Insulas Septentrionales et Ebudes archipelagos.

Scotia

Res apud Vicidata repertae:

Terra continens: Europa
Territoria finitima: Anglia
Locus:
Caput: Edimburgum

Gestio

Princeps: Carolus III (rex Britanniarum)
Praefectus: Humza Yousaf
Consilium: Scottish Parliament
Situs interretialis

Populus

Numerus: 5 404 700
Sermo publicus: Anglice, lingua Scotica, Scotice
Zona horaria: UTC, UTC+1
Moneta: Libra sterlingorum

Commemoratio

Paean: Flower of Scotland
Praeceptum: In My Defens God Me Defend

Sigla

Dominium interretiale: .scot
Praefixum telephonicum: +44

Tabula aut despectus

Caput Scotiae est Edimburgum.

Linguae usitatae sunt Anglica, Scotica, Gadelica.

Magna Scotorum pars ad Ecclesiam Scoticam (presbyterianam) pertinet.

Scotiae superficies est 78 762 chiliometra quadrata. Eam dividere licet in partes tres:

• Saltus Scotiae (Anglice Highlands), in partibus septentrionalibus
• Planities, in media parte
• Summus Mons (Uplands), in regione meridiana

In planitie, maxima oppida versantur officinaeque opera dant. Urbes celeberrimae Edimburgum ac Glasgovia sunt. In summo Monte Caput Niveus (Ben Nevis) altissimus mons Britanniae est (1345 m).

Regni caput rex vel regina Britanniae. Praesens rex est Carolus III; rector reipublicae, primus minister Scotiae, nunc Humza Yousaf.

Legatio popularis Scotiae leges de sanitate, educatione, quietis cura, progressione oeconomica fert..

Provinciae

  Conferatur pagina principalis Provinciae Scotiae.

Scotia in triginta duo provincias vel "areas consiliarias" dividitur:

Urbes

Vide: Index urbium Scotiae

Antiquitas

Vide et Reges Scotiae

Terra Scotica a septentrione Bodotriae Aestuarii nomine Caledonia, antiquis nota est, incolis aut Caledoniis aut Pictis ('hominibus pigmento tinctis') appellatis. Gnaeus Iulius Agricola bellum in Caledonios anno 79 intulit, quos ad Graupium Montem anno 84 vicit, sed non devicit. Annis subsequentibus, Romani fines suos retraxerunt.

Hadrianus imperator vallum a Bodotria usque ad Clotam porrexit, dein Antoninus^? suum. Multi materiae^? faciebat. Etiam Antoninus Pius fecit secundum vallum super vallum Hadrianum, quod vallum a Bodotria aestuario ad Gottam aestuarium extendebatur, et erat 39 milia longum.

Anno 197, Caledonii foedus cum Romanis rumpserunt; copiis autem Septimii Severi anno 209 victi,^? fidem tamen denuo fregerunt annis 210 et 11.

Saeculo quinto, Romani de Caledonia se receperunt, et tribus Hibernicus nomine Scotti se intulerunt, qui provinciam Dalrietam incolabant, Picti Pictaviam.

In annos, Scoti aliis tribubus praevalebant. Anno 843, Cinadius I Dalrietae rex frenas et Pictaviae suscepit, Caledoniam in unam civitatem coniungens, nomine Alba (Latine 'Albania'), sive Scotia.

Medium aevum

Vide articulum de Guillelmo Wallaceo

Tempus recens

Factio nationalis Scotica mense Maio anni 2011 maiorem partem vicit. Die 18 Septembris 2014 quaestio de liberatatis Scotiae ad populum relata est; maior autem pars populi contra secessionem suffragata tulit.

• Devine, T. M. (1999) 2000. The Scottish Nation 1700–2000. Ed. nova. Londinii: Penguin. ISBN 0-14-023004-1.
• Donnachie, Ian, et George Hewitt. 2001. Dictionary of Scottish History.
• Keay, John, ee Julia Keay, eds. 2001. Collins Encyclopedia of Scotland. Ed. secunda.
• Koch, J. T. 2006. Celtic Culture: a Historical Encyclopedia. ABC-CLIO. ISBN 1-85109-440-7.
• Tabraham, Chris, et Colin Baxter. 2004. The Illustrated History of Scotland.
• Trevor-Roper, Hugh. 2008. The Invention of Scotland: Myth and History. Portu Novo: Yale University Press. ISBN 0-300-13686-2.
• Watson, Fiona. 2003. Scotland; From Prehistory to the Present. Tempus
• Wilson, Neil. 2013. Lonely Planet Scotland.
• Wormald, Jenny. 2005. The New History of Scotland.

Situs geographici et historici: Locus:  • OpenStreetMap • GeoNames • Thesaurus Getty • Pleiades • Vision of Britain • Store norske Lexikon • Treccani • Большая российская энциклопедия

• De Scotis.
• Tabulae geographicae antiquiores apud Bibliothecam Nationalem Scoticam.
• De gente Cameronana.

Vicecomitatus seu praefecturae historicae Scotiae

Aberdonensis • Aerensis • Angusia • Banfiensis • Bervicensis • Bota • Cathanesiensis • Clackmannanensis • Cromartiensis • Drumfrisiensis • Dumbartonensis • Edinburgensis (Lothiana Media) • Elginensis (Moraviensis) • Ergadia • Fifa • Hadintoniensis (Lothiana Orientalis) • Invernessensis • Kincardinensis • Kinrossensis • Kircubriensis • Lanarkensis • Lithgoana (Lothiana Occidentalis) • Nairnensis • Orcadensis • Pebliensis • Perthensis • Renfroana • Rossensis • Roxburgensis • Selkirkensis • Sterlinensis • Sutherlandensis • Victoniensis • Zetlandia

Nationes Regni Britanniarum (et capita)

Anglia (Londinium) • Cambria (Cardiffa) • Hibernia Septentrionalis (Belfastum) • Scotia (Edimburgum) Opus geopoliticum • Porta Regni Britanniarum