Loch Ness
Loch Ness (Engels: ; Skots-Gaelies: Loch Nis, ) is 'n uitgestrekte varswatermeer (in Skotland loch genoem) in die Skotse Hoogland, sowat 37 km (23 myl) suidwes van Inverness.
| Loch Ness | |
|---|---|
 Loch Ness met die kasteel Urqhart in die voorgrond | |
.jpg) Kaart van Loch Ness | |
| Koördinate: | 57°18′N 4°27′W / 57.300°N 4.450°W 4°27′W / 57.300°N 4.450°W |
| Ligging: | Skotland (Verenigde Koninkryk) |
| Soort: | Binnemeer |
| Oppervlakte: | 56 km² (21,8 myl²) |
| Gemiddelde diepte: | 132 m (433 vt) |
| Maksimum diepte: | 226,96 m (744,6 vt) |
| Volume: | 7,5 km³ (1,8 myl³) |
| Lengte: | 36,2 km (22,5 myl) |
| Breedte: | 2,7 km (1,7 myl) |
| Opvangsgebied: | 1 770 km² (685 myl²) |
| Invloei: | Oich/Kaledoniese Kanaal, Moriston, Foyers, Enrick, Coiltie |
| Uitvloei: | Ness/Kaledoniese Kanaal |
| Eiland/e: | 1 (Cherry Island) |
| Nedersettings: | Fort Augustus, Invermoriston, Drumnadrochit, Abriachan, Lochend; Whitebridge, Foyers, Inverfarigaig, Dores. |
Die meer, wat op 'n hoogte van 16 m (52 voet) bo seevlak geleë is, is – na Loch Lomond – die tweede grootste loch in Skotland volgens sy oppervlakte van 56 km² (22 vk myl). Danksy sy diepte (die diepste punt is 230 m of 755 voet – dus dieper as die Noordsee) het dit nogtans die grootste watervolume van alle mere op die Britse Eilande. Loch Ness bevat meer varswater as die gekombineerde watervolume van alle mere in Engeland en Wallis.
Loch Ness is allesbehalwe 'n waterparadys vir swemsport. Die meer is nie net diep met swak sig onder water nie, maar sy water bly ook in die somermaande betreklik koud, met 'n gemiddeld van 15,8 °C/60,4 °F en 'n gemiddelde maksimum van 17 °C/62,6 °F in Augustus. Skotse mere word gekenmerk deur betreklik lae temperatuurskommelinge dwarsdeur die jaar. Op plekke is daar in Loch Ness sterk strominge wat gevaarklik sou wees vir swemmers.
Vir toeriste word boottoere deur die redery Jacobite Cruises aangebied.
Verwysings
Eksterne skakels
- Wiki-webtuistes
- Wiki Afrikaans
Wiki Commons het meer media in die kategorie Loch Ness. - (en) Toerisme-inligting oor Loch Ness op Wikivoyage
- Media
This article uses material from the Wikipedia Afrikaans article Loch Ness, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.