'S e baile meadhannach eadar Cluj-Napoca agus Oradea, air an àirde an iar-thuath Romàinia a th' ann an Zalău (IPA: ˈzaˈləw, Ungairis: Zilah, IPA: ˈzilɒx, Gearmailtis: Zillenmarkt/Waltenberg, Turcais: Zile).
Zalău Zilah/Zillenmarkt
| |||||
Suidheachadh | |||||
Dùthaich | Romàinia | ||||
Ceàrn | Sălaj | ||||
Co-chomharran | 47° 11 08' Tuath 23° 03 22' Ear | ||||
Feartan fiosaigeach | |||||
Farsaingeachd | 90.09 km² | ||||
Àireamh-shluaigh | 56,202 (2011) | ||||
Dlùths | 623.84/km² | ||||
Àireamh fòn | +40 02 60 | ||||
Duilleag oifigeil | Duilleag Oifigeil |
Tha e suidhichte ri taobh na h-Aibhne Valea Zalălui, aig 275m os cionn ìre na mara, san t-siorrachd (Romàinis: Județ) Sălaj. Tha 56,202 duine a' fuireach ann.
Thuirt Gheorghe Chende-Roman gur ann às an fhacal Silva (Gàidhlig: coille) ann an Laideann s' a tha ainm a' bhaile (Zalău) agus ainm na siorrachd (Sălaj). Tha cuid a dhaoine eile dhen bheachd gur ann a zilai (Gàidhlig: fìon dearg) ann an Daitis agus tha teòiridh eile ann a chanas gur ann à zalaj (Gàidhlig: ìochdar) ann an Ruisis 's a th e. Bhuinneadh an t-àite do Dhacia Shaor, agus bha crìochan le Impireachd na Ròimhe 5km air falbh on bhaile. Chaidh am baile a chlàradh airson a' chiad turais ann an Gesta Hungarorum mu 1200 agus nochd an t-ainm ann an sgrìobhainn ann an 1220 mar Villa Ziloc agus an uair sin mar Zylac ann an 1246. Bhuinneadh am baile dhan Phrionnsalachd Transsilvania bho 1541 gu ruige 1699, seach dà bhliadhna bho 1660 gu ruige 1692 nuair a bha e fo smachd nan Otomanach. Bhuinneadh am baile dhan Ostair-Ungaire gu ruige 1922, nuair a ghabh Romàinia os làimh e. Rinn feachdan Miklós Horthy, deachdaire na h-Ungaire, murt air 11 duine ann an Zalău air 8 an t-Sultain 1940.
This article uses material from the Wikipedia Gàidhlig article Zalău, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.