Vitoria-Gasteiz

Vitoria-Gasteiz Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	Roinn Araba
Sgìre	Dùthaich nam Basgach
Co-chomharran	42° 51' Tuath 02° 41' Ear
Feartan fiosaigeach
Farsaingeachd	276.81 km²
Àireamh-shluaigh	235,661 (2009)
Dlùths	851.35/km²
Àireamh fòn	+ 34 945
Duilleag oifigeil	Duilleag Oifigeil

Chaidh am baile a stèidheachadh ann an 1181. Thug an Rìgh Gotach Liuvigild Victoriacum air a’ bhaile ùr sin, a stèidhich e ann an àite air an robh Gasteiz o shean. Tha Vitoria-Gasteiz suidhichte aig 516m os cionn ìre na mara, ri taobh na h-aibhne Zadorra. Tha Gasteiz 291km air falbh bho Mhadrid, prìomh-bhaile na Spàinne, agus 50km bho Bhilbao, am baile as motha ann an Dùthaich nam Basgach Tha 235,661 daoine a’ fuireach ann an Gasteiz, an darna baile as motha ann an Dùthaich nam Basgach agus an 20mh baile as motha na Spàinne. A bharrachd air sin, ‘s e prìomh-bhaile na Roinn Araba agus Dùthaich nam Basgach a th’ann Vitoria-Gasteiz cuideachd.

Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Vitoria-Gasteiz. Cha thuit ach 855mm de dh'uisge air a' bhaile fad na bliadhna - 318mm nas lugha na Steòrnabhagh (1173mm) - leis gur e àite caran fliuch a th' ann, an taca ri àiteachan eile san Spàinn.

 

•   Anaheim, Calafòrnia
•   Victoria, Na Stàitean Aonaichte
•   Daira, Aildiria
•   Kutaisi, Gruisia
•   Cogo, Gini Mheadhan-Chriosach
•   Angoulême, An Fhraing
•   Ibagué, Coloimbia
•   Vitoria, Braisil
•   Sullana, Pearu

• Riaghaltas na Roinne
• Riaghaltas na Coimhearsnachd le Fèin-riaghlaidh