Teine-Èiginn
Anns an t-seann aimsir ann an Alba, bha an teine-èiginn air a chur gu feum gu leigheas na plàighe, air crodh no air ainmhidhean eile.
Ann a bhith a' togail an teine-èiginn, bha gach teine san dùthaich air a leigeil às agus teine ùr air fhadadh le teas-suathaidh. Bha dà chrioman de dh'fhiodh freagarrach air an suathadh ri chèile gu làidir gus an gabhadh iad teine às an teas a thogadh an suathadh.
Bha an sin tuilleadh connaidh ga chàrnadh air an teine ùr - an teine-èiginn - is bha an uair sin lasadh dheth air a thoirt do gach aon a chuireadh feum air. Bha uisge air a theasachadh air an teine ùr gun dàil, is rachadh gach ainmhidh a bhiodh air a bhualadh leis a' phlàigh a nigheadh leis an uisge teth, is ma bha leigheas orra, b' e sin e.
Thàinig an leigheas seo a-nuas bho àm nan Druidhean, oir nan creud-san, bha subhailcean mòra co-cheangailte ris an teine a rachadh a bheothachadh le dian-suathadh. Bha seo gu h-àraidh fìor a thaobh teine na Bealltainn. Air an latha ro-shònraichte sin, bha na treudan air an cur mun cuairt, is troimh, an teine, biodh galair orra, no nach biodh.
Iomradh
This article uses material from the Wikipedia Gàidhlig article Teine-èiginn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.