Seumas Greumach, Ciad Diùc Mhonadh Rois

Bha e an sàs ann an rèiteachadh còrdaidhean Aonadh nam Pàrlamaidean ann an 1707. Fhuair Rob Ruadh MacGriogair fìor dhroch- làimhseachaidh bhon fhear seo.

Seumas Greumach, ciad Diùc Mhonadh Rois
ball Taigh nam Morairean Rùnaire Stàite na h-Alba 24 dhen t-Sultain 1714 - 1 dhen Lùnastal 1715 ← John Erskine, 23rd Earl of Mar (en) - John Ker, 1st Duke of Roxburghe (en) → Glèidheadair Seula Mòr na h-Alba 1716 - 1733 ← Uilleam Johnstone, 1ad Mharcais Annandale - Eàirdsidh Caimbeul, 3as Diùc Earra Ghàidheal →
Beatha
Breith	Rìoghachd na h-Alba, dhen Ghiblean 1682
Dùthaich	Rìoghachd na h-Alba Rìoghachd na Breatainne Mòire
Bàs	Lunnainn, 7 dhen Fhaoilleach 1742
Teaghlach
Athair	James Graham, 3rd Marquess of Montrose
Màthair	Lady Christian Leslie
Clann	liosta William Graham, 2nd Duke of Montrose (en) Lord George Graham (en) unknown Graham (en) David Graham, 1st Earl of Graham (en)
Fine	Clan Graham (en)
Dreuchd
Dreuchd	neach-poileataigs
Duaisean a fhuaras	liosta Ball den Chomann Rìoghail
Ballrachd	An Comann Rìoghail

Rugadh Seumas Greumach ann an Alba mu 1682. 'S e an aon mhac Sheumais Ghreumaiche treas Marcas Mhonadh Rois agus na Bhan-tighearna Christian Leslie a bh' ann. Phòs e ri Christian Carnegie, nighean Dhàibhidh Carnegie, treas Iarla Easg a Tuatha, air 31 am Màrt 1721 agus fhuair iad ceathrar mac còmhla, ach chaochail triùir dhuibh gu math òg. Le sin, 's e an treas mac, Uilleam, a fhuair an Diùcachd. Chaidh dithis dhen duine-cloinne aig Seumas Greumach dhan sgoil ann an Eton, Sasainn. Chaochail e thall thairis ann an Lunnainn, fada air falbh bhon Alba, ach chaidh e a thoirt air ais dhan thalamh aige is a thìodhlacadh ann an Obar Ruadhainn.

'S e uachdaran cumhachdail a bh' ann Seumas Greumach. Bha e an sàs ann an rèiteachadh còrdaidhean Aonadh nam Pàrlamaidean Albannach agus Sasannach nuair a bha e na mhinistear ionmhais na h-Alba eadar 1705 agus 1707 agus na àrd-mharaiche na dùthcha bho 1705 gu 1706. Bha e ann an teis-mheadhain pròiseas aonaidh Bhreatainn co-dhiù. Ann an 1707, mar dhìol na rinn e ri linn a' phròiseis, chaidh e ainmeachadh na dhiùc a' Mhonaidh Roise, na bhiocas Dhùin Duibh, na Iarla Cinn Chàrdainn, na mharcas Ghreumach is Bochanain agus na Thighearna Obar Ruadhainn, Mugdock agus Fionn Treabh. An deidh an aonaidh, bha e an sàs anns an Riaghaltas fad iomadach bliadhna: Tighearna Seula Probhaideach na h-Alba (1709 - 1713), Tighearna Sheala Mhòir na h-Alba (1716 - 1733), Rùnaire na Stàite (1714) agus morair ann an Taigh nam Morairean (1715 - 1734), far a bheil a chuid shìol fhathast ann gus ar làithean. A bharrachd air sin dhèanadh e geur-leanmhainn air Rob Ruadh MacGriogair fad mòran bhliadhna. Thug an Diùc sealbh air fearainn a' Ghriogaraich, 's dòcha air sàilleabh gu robh Rob Ruadh an sàs ann an Ar-a-mach ann an 1715, air neo 's mathaid robh e ann am fiachan dhan Ghreumach, taobh ghnothaich a' chruidh. Bha falachd fhuilteach mharbhtach ann eatorra gu ruige 1722.