'S e baile mòr agus sgìreachd (Seacais: okres) air an àirde an iar Poblachd nan Seiceach a th' ann am Plzeň (IPA: pl̩.zɛɲ, Gearmailtis: Pilsen).
Plzeň
| |||||
Suidheachadh | |||||
Dùthaich | An t-Seic | ||||
Ceàrn | Plzeň-město | ||||
Sgìre | Plzeňský kraj | ||||
Co-chomharran | 49° 44 51' Tuath 13° 22 39' Ear | ||||
Feartan fiosaigeach | |||||
Farsaingeachd | 137.65 km² | ||||
Àireamh-shluaigh | 169,033 (2017) | ||||
Dlùths | 1,227.99/km² | ||||
Àireamh fòn | + 378 | ||||
Duilleag oifigeil | http://www.plzen.eu |
Tha Plzeň suidhichte air na crìochain leis A' Ghearmailt, eadar Pràg agus Nürnberg san roinn (Seacais: kraj) Plzeňský, aig comar nan Aibhneachan Mže, Radbusa, Úhlava, Úslava agus Oder (Seacais Odra), aig 310m os cionn ìre na mara. Tha 169,033 duine a' fuireach ann. 'S e an ceathramh baile as motha na dùthcha a th' ann cuideachd.
Chaidh am baile a chlàradh airson a' chiad turais ann an 976 agus bhuineadh e dhan Ostair-Ungaire ro 1918. Dh'fhàs Plzeň gu math beairteach anns na meadhanan aoisean air sàilleabh gu robh e suidhichte air slighe mhalairt eadar Regensburg agus Nürnberg. Cha do ghabh muinntir Phlzeň leis na beachdan ùra aig Jan Hus (1369 – 1415) ged a bha iad nam mion-chuid fad dà cheud bliadhna. Ann an 1618 thuit am baile do fheachdan Phròsdanaich fo Ernst von Mansfeld ann an Cogadh nan 30 Bliadhna, a chum e gu ruige 1621. Chuairtich feachdan na Suaine am baile trì tursan eadar 1637 agus 1648, cha do ghèill e idir. Thoisich Tionndadh Gnìomhachais an seo fad an 19mh Linn leis gun do dh'fhosgladh taighean-gnìomhachais mòra mar Škoda (1869) agus rèilichean. Dh'atharraich sin am baile is Seicich a-nis nam mòr-chuid is daoine aig an robh Gearmailtis nam mion-chuid. Nochd an leann Pilsner an seo ann an 1842, air a leasachadh le Josef Groll, à Bayern. Rinn tuiltean droch sgrios air a' bhaile ann an 2002
This article uses material from the Wikipedia Gàidhlig article Plzeň, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.