Martyn Bennett
B' e Martyn Bennett fear-ciùil ùr-ghnothach a mheasgaich ceòl Albannach traidiseanta agus modhannan as ùire.
'S e bh' ann ach fear de na luchd-ciùil Albannach as cudromaiche ri a linn-sa. Rugadh e air an 17mh an Gearran 1971, ann am Baile Naoimh Eòin, An Talamh Ùr, Canada. B' e mac an t-seinneadair Gàidhlig is eòlaiche ainmeil, Mairead Bennett, às an Eilean Sgitheanach. An uair a bha e 6 bliadhna de dh'aois, thàinig iad ri Ceann a' Ghiùthsaich, Alba, far an deach a thogail a-measg beartas de dhualchas na h-Alba, an dà chuid Gaidhealach is Gallta, a thug buaidh mhòr air a cheòl. Rinn e ceòl clasaigeach aig an RSAMD ann an Glaschu, far an do choinnich e ris a bhean, Kirsten, a' ceumnachadh ann an 1994.
| Martyn Bennett | |
|---|---|
| Beatha | |
| Breith | Baile Naoimh Eòin, an Talamh Ùr, 17 dhen Ghearran 1971 |
| Dùthaich |  Canada |
| Bàs | Dùn Èideann, 30 dhen Fhaoilleach 2005 |
| Nàdar a’ bhàis | adhbharan nàdarra (Aillse) |
| Foghlam | |
| Foghlam | Conservatoire Rìoghail na h-Alba Broughton High School (en)  City of Edinburgh Music School (en) |
| Dreuchd | |
| Dreuchd | neach-ciùil |
| Gnè ealain | fusion Ceilteach |
| Inneal-ciùil | a' phìob |
| Taigh-clàraidh | Real World Records (en) |
| IMDb | nm1745947 |
| martynbennett.com | |
Ged a rinn e ceòl clasaigeach mar cheum, thill e gu ceòl Albannach, a' cluich na fìdhle is na pìoba mòire agus thòisich e ag aonachadh seo le ceòl dannsa de leithid eile (air a bheil Rave no House). Thàinig a chiad chlàr, air ainmeachadh leis fhèin, a-mach ann an 1996. Bha seo an deagh àm, an uair a bha Runrig agus Capercallie a' fàs sgìth is sean. Ach 's e an dàrna clàr aige Bothy Culture a bha na chlach-mhìle ann an ceòl "tradaiseanta" Albannach. A' tarraing air iomadach dhòighean is chultaran, 's e Hallaig le Somhairle MacGill-Eain a' leughadh a chuid bhàrdachd fhèin a th' anns an òran as mìorbhailiche, ach tha e doirbh port lag a lorg air a' chlàr.
B' e Hardland an treasa clàr aige.
Dh'imrich e gu Muile ann an 1999 agus chùm e air ag aonachadh nan diofar dhòighean ri chèile gu ann Glen Lyon agus le Grit a thàinig a-mach ann an 2003. Chaochail Martyn Bennett ann an Dùn Èideann air an 30mh latha den Fhaoilleach 2005 as deidh tinneas fada le aillse. Dh'fhàg e a bhean chòir, Kirsten agus a mhàthair, Mairead.
This article uses material from the Wikipedia Gàidhlig article Martyn Bennett, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.