Martos

Martos Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	Jaén
Sgìre	Andalusia
Co-chomharran	37° 43' 22 Tuath 03° 57' 57 Iar
Feartan fiosaigeach
Farsaingeachd	93.43 km²
Àireamh-shluaigh	24,343 (2020)
Dlùths	260.55/km²
Àireamh fòn	953
Duilleag oifigeil	A' Chomhairle

Tha e suidhichte ann an ceann a deas na dùthcha, ri taobh na h-Aibhne Fuente de la Villa, 212m os cionn ìre na mara, anns an Roinn Jaén, 23km air falbh bho Jaén fhèin. 'S e dìreach Spàinntis a tha ga bruidhinn an seo. 'S e turasachd agus àiteachas a tha a' cumail eaconomaidh a' bhaile a' dol, gu seachd-àraidh liosan-ola. Tha 24,343 duine a' fuireach ann. A bharrarchd air Cellamare san Eadailt, chan eil baile neo baile eile san t-saoghal far a bheil an Naomh Amator à Auxerre a cheart cho cudromach dhan Eaglais Chaitligeach na Martos.

Bha ainm-àite Ibearach ann, air an robh Tucci, agus b' e Augusta Gemella Tuccitana a chandh ri aig àm nan Ròmanach. Chaidh an t-ainm Arabais توش (Tuis) a chlàradh airson a' chiad turais le Al-Razi, agus an uair sin, san 10mh Linn, b' e Al-Muqaddasi a sgrìobh mu dheidhinn مارتوش (Martuis).

B' e pàirt na roinne Hispania Ulterior a bh' ann. Stèidhicheadh easbaigeachd an seo aig deireadh Impireachd na Ròimhe, a mhair gu ruige Ceannsachadh Ioslamach na dùthaich ann an 711. Nuair a bhris Al-Andalus ann an rìoghachdan beaga, thàinig Martos fo sgàil Taifa Ghranada agus an uair sin Taifa Shevilla (1078). Ghabh an Rìgh Fernando II à Castilla os làimh an sgìre seo ann an 1226, leis gun do chuireadh gu bàs an Rìgh Abd Allah al-Bayasi - Rìgh Taifa Bhaeza - airson traoidhtearachd, oir gun tug e Martos agus cuid a bhaile eile do dh' Fhernando II aig àm cogadh an aghaidh nan Arabach eile.

• Fernando Francisco de Escobedo (1625 - 1688): Ceannsaiche agus saighdear.

•   Baler
•   Cellamare
•   Mora