'S e cànanaiche Nirribheach a bha ann am Magne Oftedal (Sandnes, 10 am Màrt 1921 - Oslo, 26 an Cèitean 1985) 's rinn e rannsachadh air dual-chainntean na Gàidhlig agus ceanglaichean fòn-eòlasach eadar cànain Cheilteach is Spàinnteach.
Rugadh e ann an 1921 ann an Sandnes, san sgìre Rogaland agus thòisich e air Fil-eòlas ionnsachadh aig Oilthigh Oslo ach bhris an Dàrna Cogadh Mòr a-steach air agus cha do chuir e crìoch air ceum, ann an cànanachas, ach ann an 1947 an dèidh deireadh a' chogaidh. Fhad 's e bha e 'na bhall air Oilthigh Oslo, rinn e obair-rannsachaidh air Eilean Leòdhais eadar 1949 is 1954 agus ri linn sin, dh'fhoillsich e pàipear cudromach air an robh The village names of Lewis in the Outer Hebrides ann an 1954 agus choisinn e inbhe dotaireachd le obair air Gàidhlig Liùrbost, The Gaelic of Leurbost ann an 1956. Rinn e rannsachadh gu h-àraidh air fuaim-eòlas na Gàidhlig 's na Cuimrise agus na Nirribhise fad a bheatha agus cuideachd ainmean-àite nan cànan sin agus fhuair esan ollamhachd aig Oilthigh Oslo an dèidh Carl Marstrander 's bha e ann mar ollamh cha mhòr fad 30 bliadhna. Bha e 'na dheasaiche os cionn na h-irise Lochlann - A Review of Celtic Studies eadar 1969 is 1974 agus bha e 'na bhall - no os cionn - ann an iomadh buidheann, leithid Det Norske Videnskaps-Akademi (o 1958) agus Norsk Forening for Språkvitenskap.
Magne Oftedal | |
---|---|
Beatha | |
Breith | Sandnes, 10 dhen Mhàrt 1921 |
Dùthaich | Nirribhidh |
Bàs | Oslo, 26 dhen Chèitean 1985 |
Teaghlach | |
Cèile | Eli Oftedal (en) (1947 - |
Foghlam | |
Foghlam | Oilthigh Oslo |
Dreuchd | |
Dreuchd | cànanaiche |
Fastaichean | Oilthigh Oslo |
Ballrachd | Acadamh Nirribheach nan Saidheansan is Litrichean |
Chaochail e ann an 1985 ann an Oslo.
This article uses material from the Wikipedia Gàidhlig article Magne Oftedal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.