Klas Pontus Arnoldson
B' e neach-aithris, sgrìobhadair, sìochantair agus neach-poileataigs às An t-Suain a bh' ann an Klas Pontus Arnoldson (Göteborg 27 an Dàmhair 1844 - Stockholm 20 an Gearran 1916).
Bhuineadh Arnoldson do theaghlach bochd agus cha deach e dhan oilthigh idir. Chuir e seachad bliadnichean ag obair ann an oifis rèile ann an Tumba, mus an do thoisich e ann am poileataigs radaigeach agus naidheachdas. Sgrìobh e mòran airson Nordiska dagbladet agus Sanningssökaren. Chaidh a thaghadh do Phàrlamaid na Suaine ann an 1882. Bhuannaich e an Duais Nobel airson Sìthe ann an 1908 còmhla ri Fredrik Bajer. B' iadsan a stèidhich Coimhearsnachd Stàitean Saora na Lochlainn (Suainis: Nordiska fristats-samfundet) agus an Comann Suaineach airson Sìthe agus Eadar-bhreithe (Suainis: Svenska freds- och skiljedomsföreningen). Tha a' bhuidheann sin fhathast a' dol. Bha Arnoldson an aghaidh cogadh agus airson sìth is co-obrachadh eadar-nàiseanta. Bha e dhen bheachd gum bu chòir dha Lochlann a bhith na stàit fheadarail ach, nuair a bha Nirribhidh an impis a dhol dhan chogadh gus a cuid shaorsa a dhìon an aghaidh droch làimhseachadh na Suaine, b' e gun do ghabh esan ris na bha Nirribhidh a' sireadh. Le sin, sheachain e cogadh eadar an dà dhùthaich. Fhuair Nirribhidh neo-eisimeileachd gun strì ann an 1905, a chuir crìoch air an Aonadh Nirribhidh agus An t-Suain. Cha do phòs e a-riamh. Chaochail e le greim-cridhe ann an Stockholm, ann an 1916. Tha sràid ann an Tumba - K P Arnoldssons Väg - ainmeachadh an a dhèidh.
| Klas Pontus Arnoldson | |||
|---|---|---|---|
 | |||
1882 - 1887 Sgìre: Q10688831  | |||
| Beatha | |||
| Breith | Domkyrkoförsamlingen in Göteborg (en) agus Göteborg City (en) , 21 dhen Dàmhair 1844 | ||
| Dùthaich |  An t-Suain | ||
| Bàs | Lidingö församling (en) , Stockholm City (en) agus Sankt Matteus (en) , 20 dhen Ghearran 1916 | ||
| Àite-adhlacaidh | Norra begravningsplatsen (en) | ||
| Foghlam | |||
| Cànain | Suainis | ||
| Dreuchd | |||
| Dreuchd | neach-poileataigs agus naidheachdair-bheachdan | ||
| Duaisean a fhuaras | liosta
| ||
| Ainmeachadh airson duaisean | liosta
| ||
| Creideamh | |||
| Pàrtaidh poileataigeach | Q111597190 | ||
Na sgrìobh e
- Karolinen och hans ättlingar, Örebro, 1868.
- Är världsfred möjlig?: En historisk framställning af sträfvandena för lag och rätt mellan folken. Fröléen, Stockholm 1890.
- Pax Mundi, Lov - ikke krig, 1890.
- Seklernas hopp: En bok om världfreden. Wilhelmsson, Stockholm, 1900.
- Maria Magdalena: fredsberättelse, Stockholm: Bohlin. 1903.
- Fjärrbilder: sökaren från Atén. Väktaren i Rom. Herdinnan vid Magdala, Göteborg: Åhlén & Åkerlund, 1912.
Aistean Co-cheangailte
Ceanglaichean A-mach
Iomraidhean
This article uses material from the Wikipedia Gàidhlig article Klas Pontus Arnoldson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.