'S e seinneadair Albannach a bh' ann an Harry Lauder (4mh an Lùnastal 1870 – 26mh an Gearran 1950).
Rugadh agus thogadh e ann an Dùn Èideann, ach dh'fhalbh a mhàthair còmhla ris an teaghlach an toiseach gu Obar Bhrothaig ann an 1882 nuair a chaochail athair, agus ann an 1884 gu taigh a bhràthar ann an Hamilton. Dh'fhàg Harry an sgoil an uair sin, is thòisich e obair ann an Eddlewood Colliery. 'S ann an sin a choinnich e ri Ann Vallance, is phòs iad ann an 1891.
Harry Lauder | |
---|---|
Beatha | |
Breith | Portobello, 4 dhen Lùnastal 1870 |
Dùthaich | Alba |
Bàs | Srath Athainn, 26 dhen Ghearran 1950 |
Foghlam | |
Cànain | Beurla |
Dreuchd | |
Dreuchd | actair, seinneadair, sgrìobhaiche òran agus actair film |
Duaisean a fhuaras | |
Inneal-ciùil | guth |
Taigh-clàraidh | Victor Talking Machine Company (en) |
IMDb | nm0490743 |
Fiù 's nuair a bha e gu math òg, b' àbhaist do Harry a bhith a' gabhail òrain gach turas a bhiodh cothrom aige, anns an talla-chiùil, no fiù 's anns a' mhèinn am measg an luchd-obrach.
Dh'fhàs e ainmeil gu luath is choisinneadh e deagh thuarasdal sna taighean-cluiche air feadh Alba, le òrain mu dheidhinn chuspairean traidiseanta à Alba is à Èirinn, ann an stoidhle "Music Hall" no "Vaudeville" a bha fasanta aig an àm. Òrain a rinn e fhèin, m.e. Roamin' in the Gloamin' , I Love a Lassie agus A Wee Deoch-an-Doiris.
Bhiodh fèileadh mhòr agus bonaid an-còmhnaidh air, is bhiodh e a' togail inntinn nan Albannach le òrain a bhrosnaicheadh fèin-aithne nàiseantach ann an dòigh èibhinn is aotrom, gu tric còmhla ri fealla-dhà is dannsaichean leis a bhata toinnte. Mar a thuirt Winston Churchill, b' e esan an tosgair a b' fheàrr a-riamh aig na h-Albannaich.
Sheinneadh e gu tric do na saighdearan anns a' Chogadh Mhòr, is fiù 's do Sheòras V, agus air sgàth an cliù cho mòr a choisinn e, bhiodh e a' faighinn an tuarasdal a b' àirde a-riamh aig seinneadair aig an àm sin.
Ann an 1916 chaochail a mhac John anns a' chogadh, is rinn e òran dha, The End of the Road. Bhiodh e fhathast a' brosnachadh nan Albannach anns an Dàrna Chogadh, aig an aon àm a bhiodh e gan riochdachadh air feadh an t-Saoghail.
Chaochail e ann an 1950 ann an Srath Athainn, nuair a bha e faisg air 80 bliadhna a dh'aois.
Chaidh e na ridire ann an 1919.
This article uses material from the Wikipedia Gàidhlig article Harry Lauder, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.