B' e feallsanach Albannach a bh' ann an George Elder Davie (18 am Màrt 1912–20 am Màrt 2012).
B' e The Democratic Intellect: Scotland and her Universities in the Nineteenth Century (1961) an leabhar as ainmeile a sgrìobh e, agus “bha buaidh mhòr aig a smaoineasan agus aig a sgoileireachd feallsanachail air sgrìobhaichean, luchd-teagaisg, agus smaoinichean na h-Alba, agus gu ìre mhòr tha an dòigh anns an deach deamocrasaidh, agus foghlam agus cultar an òrdachadh an Alba an urra ris.”
George Elder Davie | |
---|---|
Beatha | |
Breith | Dùn Dèagh, 18 dhen Mhàrt 1912 |
Dùthaich | Alba |
Bàs | Sutton Veny (en) , 20 dhen Mhàrt 2007 |
Teaghlach | |
Cèile | Elspeth Davie |
Foghlam | |
Foghlam | Oilthigh Dhùn Èideann |
Teusas | The Scotch metaphysics |
Cànain | Beurla |
Dreuchd | |
Dreuchd | feallsanaiche |
Fastaichean | Oilthigh Dhùn Èideann Oilthigh na Bànrighe ann am Beul Feirste |
Obraichean comharraichte | The Democratic Intellect (en) |
Duaisean a fhuaras | liosta
|
Ballrachd | Comann Rìoghail Dhùn Èideann |
Far-ainmean | G.E. Davie |
Seirbheis san arm | |
Meur an airm | Arm Bhreatainn |
Rugadh agus thogadh Davie ann an Dùn Dèagh. Bha e a’ frithealadh Àrd-sgoil Dhùn Dèagh mus deach e air adhart gu Oilthigh Dhùn Èideann. Rinn e ceum ann am feallsanachd.
Bha Elspeth Davie, a' bhean aig George, na sgrìobhadair ainmeil agus fhuair i Duais Katherine Mansfield airson Sgeulachdan Goirid ann an 1978. Nuair a bha e a' fuireach ann am Beul Feirste, bha George Davie eòlach air Philip Larkin, aon de na bàrd as cliùitiche ann am Beurla anns an 20mh linn.
Ann an Dùn Èideann, bha e gu math dlùth ri Somhairle MacGill-Eain. Fhuair e eòlas air Somhairle as t-samhradh 1933. Bha George Davie na oileanach Feallsanachd an Oilthigh Dhùn Èideann aig an àm seo. “Goirid an dèidh sin, choinnich Somhairle MacGill-Eain ri caraid do George Davie, James Bowman Caird”, a bha na oileanach anns an dàrna bliadhna an Oilthigh Dhùn Èideann, “agus bha an triùir fhear nan deagh chompanaich bho sin a-mach.” Stiùir Davie agus Caird Somhairle air bàrdachd Ùisdein MhicDhiarmaid. B' e Davie am fear a chuir Somhairle agus Ùisdean an aithne a chèile a' chiad turas. Mar a sgrìobh Somhairle mu a dheidhinn: “Bha George Davie gu sònraichte fiosrachail mu iomadach seòrsa gnothach an Alba, agus bha ùidh aige gu h-àraid ann an smaoineasan agus bha am fiosrachadh aige farsaing.”
This article uses material from the Wikipedia Gàidhlig article George Elder Davie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.