Edward Said

Ged a b’ e Crìosdaidhean a bhuineadh dha Eaglais Shasainn (Easbaigeachas) a bha san teaghlach aige, thuirt Said ma dheidhinn fhèin gur e “Crìosdaidh còmhdaichte ann an cultar Muslamach” a bh’ ann dheth. Chuir e seachad a' chuid bu mhotha de bhliadhnaichean fhìor òigridh ann an sgoiltean Ierusalam, ach an dèidh a' chogaidh eadar na h-Iùdhaich agus na h-Arabaich ann an 1948 ghluais e fhèin agus a theaghlach gu Cairo far an robh bùth aig athair. An dèidh dha a bhith a' frithealadh àrd-sgoil ainmeil anns an Èipheit, chuir e crìoch air a chuid foghlaim anns na Stàitean Aonaichte aig Oilthigh Phrinceton agus Oilthigh Harvard; agus an dèidh greis fhuair e dreuchd mar ollamh ann an litreachas na Beurla aig Oilthigh Cholumbia ann an New York. Bhiodh e gu tric a' càineadh poileasaidhean stàit Iosrael is e a' toirt taic do mhuinntir Phalastain. Tha e ainmeil airson an leabhair 'Orientalism' a sgrìobh e mu bhuaidh ìompaireachdan na Roinn-Eòrpa air seallaidhean an luchd-ealain Eòrpaich mu choinneamh coimhearsnachdan, cànanan is cultar an Ear-Mheadhanaich is Àisia a Deas. Cho math ri bhith na sgoilear cliùiteach a thaobh litreachais, bha Said cuideachd na neach-ciùil gu math ealanta air a' phiàno. An dèidh dha a bhith a' fulang le aillse airson còrr is deich bliadhna, fhuair e bàs air 25 an t-Sultain 2003.

Edward Said
Beatha
Breith	Ierusalem, 1 dhen t-Samhain 1935
Dùthaich	Na Stàitean Aonaichte Mandat na Palastain
Bàs	Eabhraig Nuadh, 25 dhen t-Sultain 2003
Nàdar a’ bhàis	adhbharan nàdarra (bànachadh-fala)
Teaghlach
Cèile	Mariam C. Said (en) Maire Jaanus (en)  (1962 -  1970)
Clann	liosta Najla Said (en)
Bràithrean ⁊ peathraichean	liosta Rosemarie Said Zahlan (en) Jean Said Makdisi (en)
Sinnsirean	liosta Khalil Beidas (en) (second uncle (en) )
Foghlam
Foghlam	Oilthigh Harvard Victoria College (en) Northfield Mount Hermon School (en) Oilthigh Princeton St. George's School, Jerusalem (en)
Cànain	Arabais Beurla
Dreuchd
Dreuchd	sgrìobhadair, breithniche litreachais, neach-naidheachd, feallsanaiche, eòlaiche-ciùil, neach-saidheans poileataigeach, eadar-theangair agus rannsaichear
Àitichean-obrach	Eabhraig Nuadh agus Cairo
Fastaichean	Oilthigh Cholumbia
Obraichean comharraichte	Orientalism
Duaisean a fhuaras	liosta Guggenheim Fellowship  (1972) Princess of Asturias Award for Concord  (2002) American Book Awards  (1996) Anisfield-Wolf Book Awards  (2000) International Nonino Prize  (1998) Messenger Lectures  (1986)
Buaidh	Michel Foucault agus Jean-Paul Sartre
Ballrachd	Acadamh Aimeireaga nan Ealan is nan Saidheans Acadamh Aimeireaganach nan Ealan is nan Litir Arab Academy of Damascus (en)
IMDb	nm0756429

• Orientalism (leabhar)