Derek Bickerton
Rugadh Derek Bickerton air 25 am Màrt 1926 agus 's e cànanaiche agus bha e na ollamh aig Oilthigh Hawaii.
Tha e den bheachd gum faighear toraidhean luachmhor air tùsan cànain ma choimheadar air cànanan creole. Le sin coimheadaidh e air cànan aig daoine fa-leth agus cànan mar chomharradh mhic an duine. Rinn e rannsachadh air cànanan creòle ann an Guyana agus Hawaii. Is esan a chruthaich am prìomh-phàirt den bhun-bheachd bioprogram cànain. Their am bun-bheachd seo gu bheil cànanan creòle coltach ri a chèile air sgàth 's gun tèid an cruthachadh bho pidgin le clann aig a bheil an aon chomas gràmair coitcheann daonna (universal human innate grammar capacity) a tha san inntinn bho thùs.
| Derek Bickerton | |
|---|---|
 | |
| Beatha | |
| Breith | Cheshire (en)  , 25 dhen Mhàrt 1926 |
| Dùthaich |  Na Stàitean Aonaichte |
| Bàs | 5 dhen Mhàrt 2018 |
| Foghlam | |
| Foghlam | Oilthigh Chambridge Dotair Feallsanachd |
| Cànain | Beurla |
| Dreuchd | |
| Dreuchd | creolist (en) , neach-teagaisg oilthigh, sgrìobhadair agus cànanaiche |
| Fastaichean | University of Guyana (en) University of Hawaiʻi (en) Oilthigh Leeds |
| IMDb | nm1545966 |
Fhuair e ceum aig Oilthigh Chambridge ann an 1949, agus thòisich e dreuchd mar òraidiche ann an litreachas Beurla aig Oilthigh Cape Coast ann an Gàna. Rinn e rannsachadh for-cheum ann an cànanachas aig Oilthigh Leeds, agus dh'fhàs e na òraidiche ann an cànanachas aig Oilthigh Ghuiana (1967–71). Bha e na Ollamh cànanachais fad 24 bliadhna aig Oilthigh Hawaii, às dèidh dha PhD fhaighinn bho Oilthigh Chambridge ann an 1976. Chaochail e 5 am Màrt 2018.
Anns an leabhar aige Roots of Language (1981) smaoinichidh e air bun-bheachd a fhreagaireas trì ceistean:
- Ciamar a thòisich cànanan creòle?
- Ciamar a thogas clann cànan?
- Ciamar a thòisich comas cànain mar chomharra mhic an duine?
Anns an leabhar Language and Species (1990), canaidh e gum faodar freagairt a lorg ris na ceistean seo le bhith ag agairt gu bheil tùsan cànain a' laighe ann am mean-fhàs de shiostaman shanasan agus smaoineachadh samhlach còmhla ri leasachadh syntax foirmeil na b' fhadalaiche.
Leabhraichean
- Tropicana, A Novel. (1963)
- Dynamics Of A Creole System (1975)
- Bickerton, Derek (1981): Roots of Language. Karoma Publishers. ISBN 0-89720-044-6.
- Bickerton, Derek (1990): Language and Species. University of Chicago Press. ISBN 0-226-04610-9.
- Language and Human Behavior, 1995
- Lingua ex Machina: Reconciling Darwin and Chomsky with the Human Brain, 2000 (còmhla ri William H. Calvin)
- Bickerton, Derek (2008): Bastard Tongues. Hill and Wang. ISBN 0809028174.
Aistean
- Bickerton, Derek (1984): “The language bioprogram hypothesis,” ann an: Behavioral and Brain Sciences, àir. 7, td. 173–221.
Tùsan
This article uses material from the Wikipedia Gàidhlig article Derek Bickerton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.