Gabhaidh videothan a luchdadh suas gu Wiki Commons ach an cleachd sinn an-seo iad.
Seo mar a chruthaicheas tu video le prògraman saora.
Cudromach: Coltach ri susbaint sam bith eile air an Uicipeid, chan fhaod thu video a chleachdadh ach ma tha e ri fhaighinn fo cheadachas saor agus ma tha e chum cleachdadh air duilleag Wiki Commons mar a tha an uicipeid seo.
Ma tha thu airson na thachras air a' choimpiutair a chlàradh, mholamaid OBS Studio. Gabhaidh a shuidheachadh gus nach clàraich e ach aon uinneag agus is urrainn dhut taghadh an dèid an fhuaim a chlàradh leis gus nach dèid.
Gus video a ghearradh no iomadh video a chur ri chèile, mholamaid Shotcut. Foghnaidh am prògram ud gus gearradh video simplidh a dhèanamh gu math furasta agus cha bhi e trom air goireasan an t-siostaim. Nuair a bhios tu deiseil leis an deasachadh, tagh am putan "Export". Gheibh thu liosta mhòr dhe fhòrmatan - tagh "WebM" innte ach nach bi feum agad air barrachd iompachaidh. Nuair a bhios an t-às-phortadh deiseil, lean ri ceum 4 gus a' video agad a dhearbhadh mus luchdaich thu suas e. [Nota an deasaiche: Cha robh a' Windows Media Player agam rèidh leis na chruthaich OBS Studio dhomh, ach tha mi cinnteach gun gabh a' video iompachadh le VLC gu fòrmat a ghabhas e ris - dha robh ùine agam gus seo fheuchainn co-dhiù.]
Mur eil thu air a' video a dheasachadh le Shotcut, feumaidh tu fhathast a chur gu fòrmat as urrainn dha Wiki Commons a cleachdadh. Gus am video iompachadh gu fòrmat a bhios freagarrach dha Wiki Commons, mholamaid VLC. Tha stiùireadh air na fòrmatan a ghabhar ris air duilleag "Converting video" a' Wiki Commons. Tha iad gu math teann ach am bi fòrmat a' video a cheart cho saor agus a tha an t-susbaint ann. Gheibh thu stiùireadh air iompachadh le VLC air duilleag OGG Theora Cookbook.
Coimhead air a' video air fad feuch a bheil a h-uile rud mar bu chòir.
Nuair a bhios a' video deiseil, luchdaich suas e. Tha roghainn agad seo a dhèanamh sa mhodh deasachaidh an-seo no air làrach-lìn Wiki Commons. Gus a luchdadh suas an-seo, sa mhodh "Deasaich", brùth air a' phutan "Cuir a-steach", tagh "Meadhanan" is lean ris an stiùireadh. Gus a luchdadh suas gu Wiki Commons, cleachd Wiki: File Upload Wizard. Fo "Uploading media files", sa cholbh "Commons", briog air a' cheangal "Commons Wizard" agus lean ris an stiùireadh ceum air cheum. Gheibh thu còd aig an deireadh as urrainn dhut cur ris an duilleag agad.
This article uses material from the Wikipedia Gàidhlig article Cobhair:Video, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.