Co-Chaidreachas Na Rèine

Mhair Co-chaidreachas na Rèine dìreach seachd bliadhna, bho 1806 gu ruige 1813, ri linn na cogaidhean a lean Ar-a-mach na Frainge. Chaidh a chruthachadh le Napoleon Bonaparte an dèidh buaidh a thoirt air An Ostair agus An Ruis aig Cath Austerlitz. B’ e an Còrdadh Phressburg a chur air bhog an Cho-chaidreachas agus b’ e Frankfurt a bh’ ann am prìomh-bhaile. B’ e prionnsachan Gearmailteach (Gearmailtis: fürsten) a bh’ ann buill a’ Co-chaidreachais aig an robh ceanglaichean làidir cùbhaidh do dh’ Ìmpireachd Naomh na Ròimhe, ach b’ ann dìreach le Napoleon fhèin a bha an cumhachd: dhìonadh esan is na feachdan aige buill a’ Co-chaidreachais agus thathar dhen bheachd nach e ach stàitean-cliant a bh’ annta. Bha Karl Von Dalberg na cheann-suidhe bho 1806 gu 1813 agus an uair sin Eugène de Beauharnais, gu deireadh na bliadhna 1813. A bharrachd air na 16 stàitean a bha an sàs aig toiseach an latha, ghabh 23 eile ann cuideachd. Nuair a bha an Co-chaidreachas aig àirde a treise, bha còrr is 15 muillean duine a’ fuireach ann. B’ e mùr dìonadach mòr agus buannachd ro-innleachdail feumail dhan Fhraing air taobh searach a h-Impireachd a bh’ ann Co-chaidreachas na Rèine agus na 63,000 saighdear a bheireadh e do Napoleon.

Co-chaidreachas na Rèine Rheinbund États confédérés du Rhin
←  1806–1813  → gun bhratach Gearradh-arm
Mapa
Fiosrachadh
Bliadhna Tòiseachaidh	1806
Bliadhna mu Dheireadh	1813
Prìomh-Bhaile	Frankfurt
Càna(i)n Oifigeil	Eadailtis, Fraingis, Gearmailtis, Pòlainnis, Seacais