'S e baile mòr eadar Oradea agus Târgu Mureș, ann an ceann a tuath Romàinia a th' ann an Cluj-Napoca (IPA: ˈkluʒ naˈpoka, Ungairis: Kolozsvár, IPA: ˈkoloʒvaːr, Gearmailtis: Klausenburg).
Cluj-Napoca Kolozsvár Klausenburg
| |||||
Suidheachadh | |||||
Dùthaich | Romàinia | ||||
Ceàrn | Cluj | ||||
Co-chomharran | 46° 21 34' Tuath 25° 48 06' Ear | ||||
Feartan fiosaigeach | |||||
Farsaingeachd | 179.5 km² | ||||
Àireamh-shluaigh | 324,576 (2015) | ||||
Dlùths | 1,808.22/km² | ||||
Àireamh fòn | +40 02 64 | ||||
Duilleag oifigeil | Duilleag Oifigeil |
Tha e suidhichte ri taobh na h-Aibhne Someșul Mic, aig 340m os cionn ìre na mara, san t-siorrachd (Romàinis: Județ) Cluj. Tha 324.576 duine a' fuireach ann.
'S ann às an fhacal clusa (Gàidhlig: mòr-chlais) ann an Laideann 's a tha ainm a' bhaile. Chanadh Napoca ris aig àm Impireachd na Ròimhe o chionn's gu robh treubh Daci air an robh na Napaei nan tàmh san sgìre. Chaidh am baile a chlàradh airson a' chiad turais ann an 1213 mar Clus. Nuair a dh' iarr Rìgh na h-Ungair air na Sagsannaich gun gabhadh iad còmhnaidh ann an Transsilvania anns na meadhannan aoisean, stèidhich iad seachd bailtean daingnichte, Cluj-Napoca nam measg. 'S e an adhbhar a chanar Siebenbürgen (Gàidhlig: seachd caistealan) ri Transsilvania ann an Gearmailtis. Buinneadh Cluj-Napoca dhan Phrionnsalachd Transsilvania bho 1541 gu ruige 1699 a bh' ann. B' e prìomh-bhaile na Groß Fürstentum Siebenbürgen bho 1790 gu 1848 agus an uaire sin bho 1861 gu 1867 cuideachd. Bhuinneadh am baile dhan Ostair-Ungaire gu ruige 1922 nuair a ghabh Romàinia os làimh e. Chruthaich A' Ghearmailt Nàsach Ghetto Iùdhach an an Cluj-Napoca mar phàirt an Uile-losgaidh. Shaoraich feachdan Romàinia agus An t-Aonadh Sobhiatach am baile air 11 an Dàmhair 1944.
À rèir Cunntas-shluaigh 2015 tha mòr-chuid Romàinianaich (81.5%) agus mion-chuid Ungairianaich (16.4%) a' fuireach ann an Cluj-Napoca.
This article uses material from the Wikipedia Gàidhlig article Cluj-Napoca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.