Provincia Córdoba

Córdoba Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Córdoba
Stèidhichte	1833
Feartan fiosaigeach
Farsaingeachd	13,771 km²
Àireamh-shluaigh	805,857 (2014)
Dlùths	58.52/km²
Àireamh fòn	+ (957)
Duilleag oifigeil	Riaghaltas na Roinne

Tha e na laighe ann an Andalusia, ann an ceann a deas na dùthcha. 'S e Córdoba a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm. B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Andalusia i ann an 1978, nuair a sgrìobhadh Bun-reachd ùr. Sìnidh Córdoba fad 13,771km² agus tha 805,857 duine a' fuireach ann. Le sin, 's e an 13mh roinn as motha na Spàinne a thaobh talmhainn agus an 19mh a thaobh àireimh-sluaigh. Tha crìochain aice le Badajoz, Ciudad Real, Jaén, Granada, Málaga agus Sevilla. 'S e Spàinntis a tha ga bruidhinn an seo.

‘S ann gu math connspaideach ‘s a tha freumhan an ainm air sàilleabh nach eil Freumh-fhaclachd na sgìre idir soilleir. Tha a h-uile coltas ann gur ann à Qorteba (Gàidhlig: muileann) no Qart-tuba (Gàidhlig: Baile Math) ann am Foinìsis a th’ ann an t-aimn. A bharrachd air sin, tha an t-iar-leasachan Tartesianais -oba no –uba gu ìre mhath cumanta ann an ceann a deas na Spàinne. Sgrìobhadh قرطبة ann an Arabais, a thug Córdoba dhuinn an latha an-diugh.Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.

Tha iadhtag ann, a bhuineas do Chórdoba, thall air an àirde an iar-dheas na roinne, ann an Sevilla. 'S e Villar an t-ainm a tha air. 'S e adhbharan laghail agus poileataigeach a tha as coireach gu bheil e na aite fa leth air. Chan eil ach 546 duine a' fuireach ann.

• Fuente Obejuna

• Seneca Òg (4 RC/65 AD) - Feallsanaiche.
• Maimonides (1135/1138 - 1204) - Feallsanaiche.
• Gonzalo Jiménez de Quesada (1496/1506/1509 - 1576) -Ceannsaiche.
• Luis de Góngora (1561 - 1627) - sgrìobhadair.