Bha Dòmhnall Chràisgein (“Dòmhnall MacDhòmhnaill”, “Dòmhnall Dòmhnallach”, “Bàrd Bharbhais”) (1861-1916) ’na bhàrd agus ’na ghobha.
Rugadh e ann an Gabhsann ach ghluais iad gu Dail bho Dheas, ann an sgìre Nis,Leòdhas, goirid as dèidh don t-sluagh ann an Gabhsann a bhi air am fuadach às a bhaile sin. S e clachair - agus bàrd - a bha 'na athair fhèin agus 's e goibhneachd a dh'ionnsaich Dòmhnall ann an Steòrnabhagh nuair a bha e 18. Chaidh e an uairsin a Dheimhidh, deas air Inbhir Nis, a dh'obair agus is ann an-sin a rinn e a' chiad òran, Òran na Lice.
Bàrd Bharbhais | |
---|---|
Beatha | |
Breith | Gabhsann a Tuath, 1861 |
Dùthaich | Alba |
Bàs | 2 dhen Dùbhlachd 1916 |
Foghlam | |
Cànain | Gàidhlig |
Dreuchd | |
Dreuchd | sgrìobhadair, bàrd agus gobha |
Gnè ealain | bàrdachd |
Thill e air ais a Leòdhas agus chaidh e a Bharbhas, airson coimhead as dèidh a sheannair. Stèidhich e ceardach an sin. Bha e pòsda dà thuras, agus bha an dithis bhean à Barbhas. Cha do dh'fhàs e ainmeil mar bhàrd gus an do thill e a Leòdhas.
Bha aon leanabh (Fionnlagh) aig Dòmhnall, leis a chiad bhean. Chaidh Fionnlagh agus a' bhean air imrich gu Manitoba.
This article uses material from the Wikipedia Gàidhlig article Bàrd Bharbhais, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.