‘S e baile mòr agus port ann an ceann a deas na Spàinne a th’ ann Almería (IPA: 'almeˈɾi:a).
Almería
| |||||
Suidheachadh | |||||
Dùthaich | An Spàinn | ||||
Ceàrn | Almería | ||||
Sgìre | Andalusia | ||||
Co-chomharran | 36° 50' 24 Tuath 02° 28′ 03 Ear | ||||
Feartan fiosaigeach | |||||
Farsaingeachd | 296.21 km² | ||||
Àireamh-shluaigh | 190,013 (2010) | ||||
Dlùths | 641.48/km² | ||||
Àireamh fòn | + 00 950 | ||||
Duilleag oifigeil | http://www.aytoalmeria.es/ |
Chaidh am baile a stèidheachadh ann an 955 le Abd-ar-Rahman III. Tha e suidhichte aig ìre na mara, ri taobh Mara Mheadhanach, aig beul na na h-aibhne Andarax, 410km air falbh bho Mhadrid, prìomh-bhaile na dùthcha agus 319km bho Shevilla. Tha Almería air an àirde an ear-dheas Andalusia. Tha 190,013 daoine a’ fuireach anns a’ bhaile, an 6mh baile as motha na h-Andalusia agus an 31mh baile na Spàinne.
Tha luchd-rannsachaidh uile dhen bheachd gur ann à المرية (Al-Mari'yah) ann an Arabais a tha an t-ainm, agus gu bheil sin a’ ciallachadh Tùr na faire. Thogadh an t-seann bhaile shuas air bàrr cnuic gu math àrd os cionn a' phort, rud a bheir cuideam dhan teòiridh seo. A dh'aindeoin sin, tha cuid eile dhen bheachd gur ann à المرية ach gu bheil sin a’ ciallachadh Sgàthan na Mara.
Chuireadh ainm a’ bhaile air an roinn nuair a chaidh a stèidheachadh ann an 1833.
A rèir figearan an Riaghlatais, 's e an Lùnastal a' mhìos as teotha agus 's e am Faoilleach a' mhìos as fhuaire ann an Almería. Cha thuit ach 200mm de dh'uisge air a' bhaile fad na bliadhna - 973mm nas lugha na Steòrnabhagh (1173mm) - leis gur e àite gu math tioram a th' ann.
This article uses material from the Wikipedia Gàidhlig article Almería, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.