Bha Alasdair Camshron (Bàrd Thùrnaig) (1848-1933) ’na bhàrd Gàidhlig, agus bhuin e do Thùrnaig ann an Taobh Siar Rois.
Bha e ainmeil, cha b' ann a-mhàin airson a bhàrdachd, ach cuideachd air an eòlas a bh' aige air croitearachd, cuspair a thug buaidh mhòr air a bhàrdachd. Rugadh e ann an 1848 ann an Inbhir Àsdal air bruaich an iar Loch Iùbh. Fhuair e bun teagaisg aig sgoil na h-Eaglaise Saoire mus do thòisich e ag obair aig O. H. MacCoinnich ann an Inbhir Iùbh (bràthair Sir K MacCoinnich à Geàrrloch), agus dh'fhuirich e ag obair an sin fad 40 bliadhna. Ghabh MacCoinnich gnothach ri foghlam a' Chamshronaich òig, a' toirt dha an cothrom foghlam ceart fhaighinn gus an robh e sgileil a' sgrìobhadh an dà chuid, Gàidhlig is Beurla.
Alasdair Camshron (Bàrd Thùrnaig) | |
---|---|
Beatha | |
Breith | Inbhir Àsdail, 1848 |
Dùthaich | Alba |
Bàs | 1933 |
Foghlam | |
Cànain | Gàidhlig Beurla |
Dreuchd | |
Dreuchd | bàrd |
Thàinig Camshron gu bhith na bhàrd aig an robh cliù: nochd grunn phìosan bàrdachd leis sna pàipearan aig tuath agus dh'aithris e feadhainn de a dhàin do Chomann Gàidhlig Inbhir Nis. Cha robh a bhàrdachd idir a' beantainn do chùisean poilitigeach no de dh'aoir ach 's ann mu chuspairean dùthchail a bha a rannan.
Sa bhliadhna 1926, chaidh leabhar fhoillseachadh l’a chuid obraichean “Am Bàrd: Òrain, Sgriobhaidhean agus Litrichean”, agus air an deasachadh agus air an cur a-mach le Iain MacAlasdair Moffatt-Pender.
This article uses material from the Wikipedia Gàidhlig article Alasdair Camshron (Bàrd Thùrnaig), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.