叭呔語

叭呔語(Patois)係話任何一種拕認為係非標準嗰語言,但箇隻用詞嘚語言學上冇正式定義。佢得指嗶嚍語、呵哩哦囉語、嘀嘞吐語,或者別嗰形式嗰土生本地話,但一般來話不係指詈語、俚語箇類黑話。

叭呔語
法國嗰地方語言:
羅曼語族:俄依語(青色)、厄室唐語(紅色)、胡郎科-普羅旺舍語(黃色)、別嗰(紫色);
日耳曼語族:阿勒射斯語(灰色);
凱爾特語族:布羅段語(藍色);
獨立語系:巴斯克語(絳色)。

叭呔語得舞出階級分立,佢俚就係話叭呔語嗰人同得話文學或公眾生活裡頭使用嗰標準、主流語言嗰人。

詞源

「Patois」箇隻詞得自法語,但佢箇源頭哈冇舞清。一種話法話係源自古法語「patoier」,係話擟擟揢揢、擟手抗腳嗰意思,故係佢可能係形容話各種語言嗰人鬼鬼祟祟嗰相。另一種話法話係佢源自拉丁語嗰「patria」(母土),係形容佢係本地化嗰語言變體。

使用

法語國家

語言學上(特別係社會語言學),語言學家不用叭呔語箇隻話法,而係歡喜用更精准嗰叫法,因為幾百年來法國政府搦「叭呔語」去貶低地方語言,舞出一類係「語言」、一類係「本土地方話」嗰語言等級意識。語言學家歡喜使用語言,對佢俚嗰各級變體就話係方言、次方言、口音。但滴子語言學家,特別係方言學家,經常搦「叭呔語」去形容一隻地方話。法國語言學家Henriette Walter話「一隻(羅曼)叭呔語就係一隻特定地區得自早以嗰拉丁語嗰口語,不帶任何價值觀點嗰話,一隻叭呔語就係一隻語言。」

嘚法語國家(法國、瑞士、比利時同得意大利、加拿大部份),自1643年以來叭呔語拕用做貶低非巴黎口音嗰法語同得別嗰羅曼語族嗰語言,好似厄室唐語、胡郎科-普羅旺舍語、科西嘉語,或更假加達郎語、布羅段語。箇隻詞表達出一種覺得箇滴子語言係落後、鄉土、冇文化嗰看法,故係用箇隻詞嗰外地人會拕本地人看做係對佢俚嗰侵犯。法國政治思想家Jean Jaurès就話過「叭呔語就係一隻拕戰敗嗰國家嗰語言」。叭呔語嗰話者可能嘚非貶低、家常嗰語境下用箇隻詞去表示自簡嗰母語。

1762年,法語學院詞典(dictionnaire de l'Académie française)對叭呔語嗰定義係「鄉下嗰、粗俗嗰,好比農村人、下等人嗰話」。法國嗰長期文化妖魔化政策嗰意圖係為得舞得法國人覺得光法語係語言,佢俚嗰話都不係。幾十年來大部份語言學家對箇隻政策都表示批判,認為箇係語言歧視嗰表現。好似Henriette Walter話「要曉得叭呔語不光不係法語嗰變種,法語自簡也就係隻功成哩嗰叭呔語。」

因為叭呔語嗰貶義,故係箇隻詞箇下好少用,一般法國習慣話係地方語言、少數族群語言、小語種等。

英語國家

加勒比海嗰蠻多英語白話都拕話做係叭呔語(拕寫做patois或patwah),特別係話1934年以來牙買加嗰叭呔語。牙買加叭呔語含得住嘚加勒比海地區好幾隻人種嗰語言嗰詞彙,好似拉丁語、西班牙語、印度語、葡萄牙語、印第安語、英語、中國話、日本話同得滴子非洲話。一滴子島民嗰語言哈拕阿拉伯語、希伯來語、德語、荷蘭語、意大利語、越南話等語言影響。哥斯達黎加嗰大西洋沿岸,同得別嗰滴子加勒比島嶼好似千里達及托巴哥跟到南美洲嗰圭亞那也話叭呔語。箇滴子叭呔語時常拕看做係英語嗰「雜種化」、「塑料英語」或者俚語,但正確滴子嗰話,牙買加叭呔語係托歸類到呵哩哦囉語,好似加勒比海嗰本地法語變體就拕叫做呵哩哦囉語。小安的列斯群島嗰法語就係含得滴子南美、非洲詞彙嗰叭呔語。

參考

Tags:

叭呔語 詞源叭呔語 使用叭呔語 參考叭呔語呵哩哦囉語語言

🔥 Trending searches on Wiki 贛語:

拉丁語冷戰X7月15號1089年1058年莫扎特11月3號9419粘粘蟲4月8號元月二十號工業革命83德國歐洲一月十六日1731年U莎士比亞4月3號國際單位系統1949年852年維基百科210年代北京月光1841年2022年十月十二日165012月4號堅尼地城988年路易虔敬王熊貓江西嗰車輛號牌胡志明市鄭和1029年1743年一月三號1月20號亞里斯多德1050年可可·榭乃爾九月十六日穆罕默德電話史詩南昌地铁嗰二号线德語普京3月15號🡆 More