Altay dilleri; Türk dilleri, Mongol dilleri, Tunguz dilleri, Yapon dilleri, Koreya dilleri, Aynu dilini içinä alan bir dil aylesidir.
Ancak Koreya dilleri, Yapon dilleri hem Aynu dili kesin diildir. Bazı dil bilgiçläri bu dil aylesinin geçerliliini kabul etmêr. Ancak son eklärin olması, cümnedäki sıralama, hem dillerin dilbilişsäl olarak cinstä ayrılmaa olmaması gibi noktalar bu dil aylesini desteklêr. Altay dilleri, adını Mongoliya 'daki Altay Daalarından almıştır. Çünkü bu dillerin ilk olarak Mongoliya 'daki Altay Daalarından ortaya çıktıı hem ilk olarak Altay Daalarının poyrazında olan Sibir Bölgesindä ya da Sibir Bölgesinin daha poyrazında laf edildii düşünülêêr. Altay dilleri, Ural dilleri ile çok yakın akrabadır. Bundan dolayı bu iki dil aylesi "Ural-Altay dil aylesi" adında birläştirilmiştir.
Türk dilleri, Mongol dilleri hem Tungus dillerinin kesin olarak hısım olduu hem aynı dil aylesindän olduu biliner. Ancak Yapon dilleri, Koreya dilleri hem Aynu dilinin, Altay dillerine ait olduu kesin diildir.
1857'dä Avstriyalı bilgiç Anton Boller , Ural-Altay dil aylesine Yapon dilini eklämäyi önerdi. 1920'lärdä GJ Ramstedt ve ED Polivanov, Koreya dilinin eklänmäsini savundu.
Aynu dilinin Altay dillerine ait olduu kabul edilmêêr. Daha çok izole bir dil olduu kabul ediler. Ancak Altay-Mongoliya-Sibir tarafından gelän adetlär hem Folklorlar, onnarın Altay Dil Aylesinin bir parçası olduunu göstärêr.
This article uses material from the Wikipedia Gagauz article Altay dilleri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Aksi belirtilmedikçe içeriğin kullanımı CC BY-SA 4.0 lisansı kapsamında uygundur. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gagauz (DUHOCTRUNGQUOC.VN) is an independent company and has no affiliation with Wiki Foundation.